Diwali 2022 : सणासुदीत नवीन कार घेताय? मग ही बातमी तुमच्यासाठी!

Diwali 2022 : संपूर्ण देशभर दिवाळीचा (Diwali in 2022) सण मोठ्या उत्साहात साजरा केला जात आहे. या सणासुदीत (Diwali) नवीन वस्तू खरेदी करणे शुभ मानले जाते. अशावेळी अनेकांना आपली स्वत:ची कार (Car) घेण्याची इच्छा असते. काही स्वतःच्या वापरासाठी कार घेतात, तर काही लोक व्यवसाय करण्यासाठी वाहनं खरेदी करतात.  त्यामुळे आपली आवडती कार घेण्यासाठी बहुतांश लोकांना कर्ज घेण्याची गरज भासते. त्याकरता बँक किंवा वित्तीय संस्थाची मदत घेतली जाते.  

जर तुम्हीही नवीन कार (New Car in Diwali) घेत असाल तर काही महत्त्वाची कागदपत्रे (Documents) सोबत ठेवा, जेणेकरून तुम्हाला कोणतीच अडचण येणार नाही.

आधार कार्ड (Aadhar Card), पॅन कार्ड : आधारसोबतच पॅन कार्डही (PAN card) आवश्यक आहे. पॅन कार्डमध्ये तुमच्या फोटोसोबत एक युनिक नंबर असतो. व्यवहाराच्या वेळी जो क्रमांक देणे आवश्यक आहे. या युनिक नंबरमुळे तुमच्या वतीने केलेल्या व्यवहारांची संपूर्ण माहिती उपलब्ध होते.

वाचा : पांढरा कांदा निरोगी आरोग्यासाठी गुणकारी, या समस्या होतील दूर

वीज बिल, रेशन कार्ड किंवा भाडे करार : नवीन कार घेण्यासाठी वीज बिल, रेशन कार्ड किंवा भाडे कराराचाही वापर केला जातो. यापैकी कोणतेही एक दस्तऐवज पत्ता पुरावा म्हणून वापरले जाऊ शकते. तुमचे स्वतःचे घर असेल तर वीज बिल किंवा रेशन कार्ड वापरता येते. पण तुम्ही कुठेतरी भाड्याने राहत असाल तर भाडे कराराद्वारे तुम्ही नवीन कार खरेदी करू शकता.

कार पेमेंट पावती : कारचे संपूर्ण पैसे भरल्यानंतरच कोणत्याही शोरूममध्ये कारची डिलिव्हरी करण्याची परवानगी आहे. त्यामुळे, जेव्हाही तुम्ही नवीन कारची डिलिव्हरी घेण्यासाठी जाल तेव्हा गाडीच्या बुकिंगपासून ते पूर्ण पैसे भरण्यापर्यंतच्या सर्व पावत्या सोबत घ्या. कोणत्याही कारणास्तव पेमेंटबाबत काही संभ्रम असल्यास, सोबत आणलेल्या सर्व पावत्या दाखवून देयकाची माहिती दिली जाऊ शकते.