घरी ३९ दिवसांचा मुलगा असू देत, नाहीतर म्हातारे आईवडील... या ५ शहिदांची कहाणी तुम्हाला सुन्न करेल

जम्मू -काश्मीर : सोरनकोट, पूंछमध्ये दहशतवाद्यांशी लढताना भारताच्या पाच शूर सैनिकांनी आपल्या प्राणांची आहुती दिली. सोमवारी डेरा की गली परिसरात झालेल्या दहशतवादी चकमकीत आपले प्राण गमावलेल्या लष्कराच्या जवानांच्या घर, गाव आणि लगतच्या भागात शोककळा पसरली आहे. या हल्यामुळे मुलं आपल्या बापाविना पोरकी झाली, तर आई-वडिलांचा म्हातारपणातील आधार असलेली काठीच ते गमावून बसले आहेत. राष्ट्राच्या रक्षणासाठी आपले प्राण गमावलेल्या पाच शूर सैनिकांच्या कुटुंबांची स्थिती जाणून घेऊया.

जसविंदर सिंह

पंजाबमधील कपूरथला जिल्ह्यातील रहिवासी जसविंदर सिंह हे पुंछमध्ये झालेल्या दहशतवादी हल्ल्यात शहीद झाले आहेत. जसविंदर सिंह हे चौथ्या यांत्रिकी पायदळामध्ये नायब सुभेदार (JCO) होते. ते शीख इन्फंट्रीच्या युनिट 4 मध्ये सामील होते आणि सध्या 16 राष्ट्रीय रायफल्समध्ये तैनात होते. जसविंदरचे वडील आणि भाऊही सैनिक आहेत.

कॅप्टन पदावरून निवृत्त झालेले जसविंदर वडील महिन्यापूर्वी आजारपणामुळे मरण पावले. त्याच वेळी, मोठा भाऊ राजिंदर सिंह नायब सुभेदार म्हणून निवृत्त झाला आहे.

त्याच्या आईला या संदर्भात माहिती मिळताच ती म्हणाली, मला माझा मुलगा जसविंदरच्या शौर्याचा मला अभिमान आहे. जसविंदरचे 14 वर्षांपूर्वी सुखप्रीत कौरशी विवाह झाला होता. त्यांना 11 वर्षांची मुलगी हरनूर कौर आणि 13 वर्षांचा मुलगा विक्रमजीत सिंग आहे. पत्नी सुखप्रीतला विश्वास बसत नाही की तिचा पती आता या जगात नाही. ती वारंवार सगळ्यांना हेच सांगत होती की, जसविंदर येईल आणि तिला जम्मू -काश्मीरला फिरायला घेऊन जाईल.

मनदीप सिंग

मनदीप सिंग 16 राष्ट्रीय रायफल्समध्ये नायक पदावर होते. पंजाबच्या गुरदासपूर जिल्ह्यातील चट्टा कलान गावातील रहिवासी मनदीपला आई, पत्नी, एक मुलगी आणि दोन मुलगे आहेत. एक मुलगा चार वर्षांचा आहे तर दुसरा फक्त 39 दिवसांचा आहे. कल्पना करा, जेव्हा ते बाळं मोठं होईल तेव्हा त्याला त्याच्या वडिलांचा चेहरा सुद्धा आठवत नसेल.

मनदीप डिसेंबर 2011 मध्ये सैन्यात भरती झाला होता. त्याचा मोठा भाऊ देखील सैन्यात आहे तर लहान भाऊ परदेशात राहतो. मनदीप रजा घेतल्यानंतर महिनाभरापूर्वी घरातून ड्युटीवर गेला होता. त्यानंतर तो शहीद झाल्याची बातमी ऐकल्यावर पत्नीला विश्वासच बसत नव्हता, ज्यामुळे ती अनेकदा बेशुद्ध पडली.

गज्जन सिंग

16 राष्ट्रीय रायफल्सचा भाग असलेले गजनसिंग देखील या हल्ल्यात शहीद झाले. ज्यामुळे त्यांची पत्नी चार महिन्यांतच विधवा झाली. गज्जन सिंह यांचा विवाह फेब्रुवारी महिन्यातच हरप्रीत कौरशी झाला होता.  गज्जन सिंह फक्त 25 वर्षेाचा होता. कृषी कायद्यांविरोधात सुरू असलेल्या शेतकरी आंदोलनाला पाठिंबा देण्यासाठी तो शेतकऱ्यांच्यासोबत उभा देखील राहिला होता.

गज्जनला दोन भाऊ आहेत आणि वडील चरण सिंह हे शेतकरी आहेत. तो सात वर्षांपूर्वी 23 शीख रेजिमेंटमध्ये सामील झाला होता. गज्जनची आई मल्कीत कौर आजारी असल्यामुळे तिला गज्जनच्या जाण्याची माहिती देण्यात आली नव्हती, तर नवीन लग्न झाल्यामुळे 13 ऑक्टोबरला नातेवाईकांच्या घरी जायचे म्हणून बायको गज्जनची वाट पाहात होती. पण गज्जनचा मृतदेह घरी आला.

सराज सिंह

16 राष्ट्रीय रायफल्समधील आणखी एक कॉन्स्टेबल, सराज सिंह यांनीही आपले सर्वोच्च बलिदान दिले. ते उत्तर प्रदेशातील शाहजहांपूर जिल्ह्यातील अख्तियारपूर धौकाल गावचे रहिवासी होते. त्यांचे दोन भाऊही लष्करात आहेत. 2019 मध्ये सराजने लग्न केले. तर ते 2016 मध्ये सैन्यात भरती झाले होते.

सराज सिंहचा भाऊ सुखबीर देखील सैन्यात भरती आहे. 6 राष्ट्रीय रायफल्समध्ये तैनात सुखबीर म्हणाले की, ते सीमेवर जाण्याची वाट पाहत आहेत. संधी मिळताच ते दहशतवाद्यांकडून आपल्या भावाच्या मृत्यूचा सूड घेण्याची वाट पाहत आहेत.

वैशाख

16 राष्ट्रीय रायफल्समधील सिपाही वैशाख, जो मूळचा केरळचा आहे, हा एच कुटुंबातील एकमेव कमावणारा व्यक्ती होता. तो कोल्लम जिल्ह्यातील ओडानवट्टम गावचा रहिवासी होता. 2017 मध्ये तो सैन्यात भरती झाला. रेजिमेंटमध्ये तयार शिपायाची त्याची प्रतिमा होती. वैशाख अवघ्या 24 वर्षांचा होता.