पुलवामातील त्रालमध्ये सुरक्षा दलाकडून ३ दहशतवाद्यांना कंठस्नान
दहशतवाद्यांकडून हत्यारं आणि दारुगोळा जप्त
)
श्रीनगर : जम्मू-काश्मीरमधील पुलवामामधील त्रालमध्ये सुरक्षा दलाला मंगळवारी रात्री उशिरा तीन दहशतवाद्यांना कंठस्नान घालण्यात यश आलं आहे. खात्मा करण्यात आलेल्या दहशतवाद्यांची ओळख जंजीर रफीक वानी, राजा उमर मकबूल भट आणि अमीन भट अशी करण्यात आली आहे. मिळालेल्या माहितीनुसार, ते स्थानिक दहशतवादी असल्याचं बोललं जात आहे. दहशतवाद्यांकडून एके-४७, एके-५६, पिस्टल आणि हँड-ग्रेनेड जप्त करण्यात आले आहेत.
मंगळवारी रात्री उशिरा जम्मू आणि काश्मीर पोलीस, सीआरपीएफ आणि सेनेच्या संयुक्त टीमकडून ही कारवाई करण्यात आली. त्रालमध्ये दहशतवाद्याची माहिती मिळाल्यानंतर सुरक्षा दलाने त्यांना घेराव घातला होता. त्यानंतर चकमक सुरु झाली. हे तीनही दहशतवादी 'अंसार गजवा उल हिंद' या संघटनेचे असल्याची माहिती मिळत आहे.
J&K: The 3 terrorists killed in encounter in an operation by the Army, CRPF and J&K Police in Tral of Pulwama district., have been identified as Jangeer Rafiq Wani, Raja Umar Maqbool Bhat&Uzair Amin Bhat. All 3 terrorists belong to the terror outfit 'Ansar Ghazwa ul Hind'. https://t.co/g7jA1YhIT5
— ANI (@ANI) February 19, 2020
जम्मू-काश्मीर पोलिसांचे महनिरीक्षक विजय कुमार यांनी, तीन जणांचे मृतदेह हाती लागले असून मारण्यात आलेल्या दहशतवाद्यांकडून हत्यारं आणि दारुगोळा जप्त करण्यात आल्याचं त्यांनी सांगतिलं.