रेल्वेत परीक्षा न देता मिळवा नोकरी! 10वी पास उमेदवार करु शकतात अर्ज, जाणून घ्या

Railway Jobs 2022: भारतीय रेल्वेमध्ये नोकरी करू इच्छिणाऱ्या तरुणांसाठी आनंदाची बातमी आहे. रेल्वेची तयारी करणाऱ्या उमेदवारांना नोकरी मिळण्याची मोठी संधी आहे.नॉर्थ ईस्ट फ्रंटियर रेल्वेने विविध ठिकाणी शिकाऊ पदांसाठी अर्ज मागवले आहेत. त्यासाठी रेल्वेने अधिसूचना जारी केली आहे. उमेदवारांनी अर्ज करण्यापूर्वी एकदा अधिसूचना वाचावी. नोकरीसाठी अर्ज करण्याची शेवटची तारीख 30 जून रात्री 10.00 वाजेपर्यंत आहे. एकूण 5636 जागा भरण्याचे या भरती मोहिमेचे उद्दिष्ट आहे.  नोकरीसाठी अर्ज करण्यापूर्वी उमेदवारांना काही महत्त्वाच्या गोष्टी लक्षात ठेवाव्या लागतात. 

या पदांसाठी अर्ज करण्यासाठी 10वी पाससह संबंधित ट्रेडमध्ये ITI पदवी असणे आवश्यक आहे. वयोमर्यादेबाबत बोलायचे झाले तर या पदांसाठी वयोमर्यादा १५ ते २४ वर्षे निश्चित करण्यात आली आहे. उमेदवारांची निवड गुणवत्ता यादीच्या आधारे केली जाईल. मॅट्रिक आणि आयटीआयमध्ये मिळालेल्या गुणांच्या आधारे गुणवत्ता यादी तयार केली जाईल. ही नोकरी मिळविण्यासाठी उमेदवारांना कोणत्याही प्रकारची परीक्षा द्यावी लागणार नाही. अर्ज फी म्हणून 100 भरावे लागतील.

असा अर्ज करा

नोकरीसाठी अर्ज करण्यासाठी, उमेदवारांनी अधिकृत वेबसाइट nfr.indianrailways.gov.in ला भेट देणे आवश्यक आहे. यानंतर, 'जनरल इन्फो' विभागात गेल्यानंतर 'रेल्वे रिक्रूटमेंट सेल'च्या टॅबवर क्लिक करा. त्यानंतर अर्जाच्या लिंकवर जा आणि तपशील काळजीपूर्वक भरा. त्यानंतर येथे कागदपत्रे अपलोड करून अर्ज सादर करावा लागेल.

कोठे रिक्त जागा आली आहे ते जाणून घ्या

• कटिहार (KIR) आणि TDH कार्यशाळा: 919
• अलीपुरद्वार (APDJ): 522
• रंगिया (RNY): 551
• लुमडिंग (एलएमजी),एस अँड टी / कार्यशाळा / एमएलजी (पीएनओ) आणि ट्रॅक मशीन / एमएलजी: 1140
• तिनसुकिया (TSK): 547
• नवीन बोंगाईगाव कार्यशाळा (NBQS) आणि EWS/BNGN: 1110
• दिब्रुगड कार्यशाळा (DBWS): 847