चेहऱ्यावर ग्लो येण्यासाठी या 4 गोष्टींचा आहारात करा समावेश

मुंबई : आजच्या युगात प्रत्येकाला सुंदर दिसावे असे वाटतं. पण रोजच्या धावपळीमुळे आणि उलट सूलट आहारामुळे सुंदर दिसण्याचे स्वप्न कधी भंग पावते ते कळत नाही. अशा परिस्थितीत आहारात संतुलन राखणे आणि आहारात बदल करणे आवश्यक आहे, तरच तुम्ही त्वचेची आंतरिक काळजी घेऊ शकाल.

आरोग्य तज्ज्ञांचे म्हणणे आहे की, तुमच्या त्वचेची आतूनही काळजी घेतली पाहिजे. तर ती चमकदार दिसेल, जे योग्य पोषण आणि आहारामुळेच शक्य आहे. त्वचा आतून-बाहेरून चमकण्यासाठी आहारात अशा गोष्टींचा समावेश करा, ज्यामुळे तुमची त्वचा सुंदर दिसते.

या 4 गोष्टी त्वचेसाठी फायदेशीर आहेत

1 - चमकदार त्वचेसाठी हिरव्या भाज्या

हिरव्या भाज्या आरोग्यासाठी तसेच त्वचेसाठीही फायदेशीर असतात. मेथी, पालक, दुधी भोपळा इत्यादींचा आहारात समावेश करू शकता. या भाज्यांमध्ये अँटिऑक्सिडंट्स, लोह आणि ए आणि सी सारखी जीवनसत्त्वे मुबलक प्रमाणात आढळतात. अशा स्थितीत त्यांच्या सेवनाने रक्त शुद्ध तर होतेच, पण चेहऱ्यावरील चमक टिकवून ठेवण्यासाठी ते खूप उपयुक्त ठरते.

2. चमकदार त्वचेसाठी मासे

त्वचेसाठी मासे खूप फायदेशीर आहे. माशांमध्ये ओमेगा-3 मुबलक प्रमाणात असते. तसेच केस काळे आणि दाट होण्यास मदत होते. जर तुम्हाला फ्री रॅडिकल्स टाळायचे असतील आणि त्वचा चमकदार बनवायची असेल तर मासे खा.

3 - चमकदार त्वचेसाठी ब्राऊन राईस

ब्राऊन राईस त्वचा निरोगी बनवण्यासाठी देखील खूप उपयुक्त आहे. याच्या आत लिपिड्स रेणू असतात, ज्यामुळे त्वचेतील ओलावा तर कायम राहतोच पण त्यामध्ये आढळणारे कॅरामाइड्स त्वचेला नवी ऊर्जा देतात.

4. चमकदार त्वचेसाठी डाळिंब

डाळिंबात अँटीऑक्सिडंट घटक मुबलक प्रमाणात असतात, ज्याच्या सेवनाने शरीरात लाल रक्तपेशी तयार होतात. यासोबतच रक्ताचे प्रमाणही वाढते. शरीरावर कोणत्याही प्रकारची जखम असल्यास डाळिंबाच्या सेवनाने ही जखम लवकर भरून येते, याच्या सेवनाने त्वचेवर लालसरपणा येतो.