सेंद्रिय की प्रक्रिया केलेले अन्न?: आहारासाठी कोणते योग्य? जाणून घ्या उत्तर

Which One is Better Organic and Processed Foods: खराब जीवनशैली आणि खाण्याच्या विकारांमुळे आज लोक अधिक आजारांना बळी पडत आहेत. अशा परिस्थितीत, हे टाळण्यासाठी लोक आपला आहार आणि जीवनशैली सुधारण्याचा प्रयत्न करत असतात. या दिशेने लोक प्रक्रिया केलेले खाद्यपदार्थ सोडून सेंद्रिय अन्नाकडे वळत आहेत. पण तुम्हाला माहित आहे का की सेंद्रिय अन्न आणि प्रक्रिया केलेले अन्न कोणते आहे आणि कोणते चांगले आहे?

सेंद्रिय अन्न:
सेंद्रिय अन्न म्हणजे असे अन्न जे नैसर्गिक पद्धतीने, रासायनिक खते, कीटकनाशके किंवा इतर कृत्रिम पदार्थांचा वापर न करता पिकवले जातात. या अन्नपदार्थांच्या उत्पादनात पर्यावरणाचा समतोल राखला जातो. उदाहरणार्थ, सेंद्रिय पिकांचे उत्पादन करताना, मातीच्या गुणवत्तेची आणि पाणी व्यवस्थापनाची विशेष काळजी घेतली जाते. सेंद्रिय अन्न अधिक पौष्टिक असते, कारण ते नैसर्गिक साधनांचा वापर करून पिकवले जातात. यामध्ये पाणी, सूर्यप्रकाश आणि इतर नैसर्गिक घटकांचा अधिक प्रभाव असतो, ज्यामुळे ते शरीराला आवश्यक असलेले पोषणतत्त्व जास्त प्रमाणात देऊ शकतात.

प्रक्रिया केलेले अन्न:
प्रक्रिया केलेले अन्न म्हणजे असे खाद्यपदार्थ जे विविध कारखान्यांमध्ये तंत्रांचा वापर करून तयार केले जातात. या अन्नपदार्थांमध्ये साखर, मीठ, संरक्षक पदार्थ (preservatives) आणि इतर कृत्रिम घटक जास्त प्रमाणात असतात. प्रक्रिया केलेले अन्न साधारणपणे जास्त चवदार आणि आकर्षक असतात आणि त्यांची शेल्फ लाइफही खूप लांब असते. पण या अन्नपदार्थांमध्ये पोषणतत्त्वांची कमतरता असू शकते, तसेच जास्त प्रमाणात खाल्ल्यास शरीरावर दुष्परिणाम होऊ शकतात.

सेंद्रिय अन्नाचे फायदे:
सेंद्रिय अन्नामध्ये अधिक जीवनसत्त्वे, खनिजे आणि अँटीऑक्सिडंट्स असतात, जे शरीराला आरोग्यासाठी उपयेगी ठरतात. सेंद्रिय शेतीत पर्यावरणाचा समतोल राखण्याचा प्रयत्न केला जातो, ज्यामुळे मातीचे आरोग्य, जलसंपदा आणि जैवविविधता यांचा संरक्षण होतो. त्यांचा शरीरावर होणारा नकारात्मक प्रभाव कमी होतो.

हे ही वाचा: स्वस्त आणि घरच्या घरी केरेटिन ट्रीटमेंट: केसांची चमक आणि मऊपणासाठी सर्वोत्तम टिप्स

प्रक्रिया केलेले अन्नाचे धोके:
प्रक्रिया केलेले अन्न पोषणतत्त्वांमध्ये कमकुवत असतात. अनेक वेळा या अन्नांमध्ये फक्त कॅलरीज मिळतात, पण त्यात आवश्यक असलेली जीवनसत्त्वे, खनिजे आणि फायबर्स नसतात. प्रक्रिया केलेल्या अन्नांमध्ये साखर आणि मीठ जास्त प्रमाणात असू शकतात, जे रक्तदाब, मधुमेह आणि हृदयविकारांसारख्या आजारांचा धोका वाढवू शकतात. 

कोणते अन्न आरोग्यासाठी चांगले आहे?
सामान्यतः सेंद्रिय अन्न अधिक पोषक आणि आरोग्यदायी मानले जाते, कारण त्यामध्ये कृत्रिम घटकांचा वापर कमी असतो आणि ते अधिक नैसर्गिक पद्धतीने पिकवले जातात. यामुळे ते आरोग्यासाठी उत्तम असतात. जे लोक वजन कमी करण्याचा प्रयत्न करत आहेत, त्यांच्यासाठी सेंद्रिय अन्न अधिक फायदेशीर ठरू शकते. प्रक्रिया केलेले अन्न जरी चवदार असले तरी, ते जास्त प्रमाणात घेतल्यास आरोग्यावर नकारात्मक प्रभाव पडू शकतो. त्यामुळे, सेंद्रिय अन्नाला प्राधान्य देणे आरोग्यासाठी चांगले ठरते.

(Disclaimer -  वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. )