ऋजुता दिवेकरने सांगितला करिश्मा कपूरचा Fitness Mantra, 25 किलो वजन असं केलं कमी
Rujuta Diwekar Health Tips : न्यूट्रिशनिस्ट ऋजुता दिवेकर कायम फिटनेसबद्दल बोलत असते. करिनासोबतच करिश्माला देखील तिने दिला फिटनेस मंत्र, भात खाऊनही करिश्माने तब्बल 25 किलो वजन घटवलं आहे.
)
Karishma Kapoor Weight Loss : ऋजुता दिवेकर कायमच फिटनेस सिक्रेट, टिप्स शेअर करत असते. सोशल मीडियावर टिप्स शेअर करणारी न्यूट्रिशनिस्ट ऋजुता दिवेकरही सेलिब्रिटी न्यूट्रिशनिस्ट देखील आहे. ऋजुताने अभिनेत्री करिना कपूर आणि करिश्मा कपूर यांना देखील हेल्थ टिप्स, डाएट प्लान दिला आहे. करिश्मा कपूरने आपलं 25 किलो वजन कमी केलं आहे.
ऋजुता दिवेकरने करिश्मा कपूरसोबतच्या व्हिडीओ टॉकमध्ये आहारातील छोटे बदल तुमच्या ध्येयांमध्ये तसेच तुमच्या मानसिक आणि भावनिक आरोग्यावर मोठा फरक कसा आणू शकतात हे सांगितले. अभिनेत्री, करिश्मा कपूरने मुलाखतीत सांगिलं की, रात्रीच्या जेवणासाठी फक्त एकाच प्रकारचे जेवण घेतल्याने तिने 25 किलो वजन कसे कमी केले हे सांगितले.
भात फिशकरी खाऊन कमी केलं वजन
करिश्मा रोज रात्री डिनरसाठी फक्त फिश करी आणि भात खात असे. “एका मुलाखतीत कपूरने सांगितले की तिने रात्रीच्या जेवणात भातासोबत फिश करीचा समावेश करून 25 किलो वजन कमी केले. कपूरच्यान मित्रांना आश्चर्य वाटले की संध्याकाळी कार्बोहायड्रेट्सचे सेवन केल्याने वजन कमी करणे शक्य होते. करिश्मा याचे श्रेय ऋजुताला देते. कारण तिने खाण्याचा योग्य दृष्टीकोन शिकवला. करिश्माला कार्बोहायड्रेट्ससह तिला आवडणाऱ्या पदार्थांचा आस्वाद घेण्यास आणि निरोगीपणे वजन कमी करण्याचे टिप्स दिले.
हायड्रेट ठेवा
करिश्मा सांगते की, मी आता खऱ्या अर्थाने जीवन जगत आहे. माझा डाएट प्लान फॉलो करु करताना काही गोष्टींचा विचार करा. फक्त उपाशी राहून वजन कमी होत नाही. अशावेळी स्वतःला हायड्रेट ठेवा आणि लिंबूपाणीआणि काही पेयांचा शरीरात समावेश करा. करिश्माने शेअर केले की, तिला पोहे प्रचंड आवडतात. त्यात मूठभर हिरव्या मिरच्या आणि उपमा भरपूर भाज्यांसह चवदार नाश्ता किंवा जेवण पर्याय म्हणून चाखायला आवडतात.
आवडीचे पदार्थ खा
करिश्मा कपूरने सांगितलं की, तिने डाएट दरम्यान तिच्या आवडीचे पदार्थ आवर्जून खाल्ले. तसेच उकडलेल्या भाज्या जसे की गाजर, काकडी आणि इतर भाज्या खाव्या लागतील असा समज करणे चुकीचा आहे. भारतीय स्वादिष्ट स्नॅक्स देखील डाएटमध्ये खाऊ शकतात. तुम्ही सामान्य घरगुती आहार या डाएटमध्ये घेऊ शकता. ज्यामुळे फिटनेस प्रवास चांगला राहील.
ही फळे खाल्ली
केळी आणि चिकू सारखी फळे पौष्टिक आणि उर्जेने भरलेली असतात आणि वजन वाढवणारी फळे म्हणून त्यांचा अनेकदा चुकीचा अर्थ लावला जातो, परंतु जर तुम्ही व्यायाम करत असाल तर या पदार्थांचा आहारात नक्कीच समावेश करा.
ऋजुताचा सल्ला
ऋजुताने नेहमी घरी शिजवलेल्या जेवणाला चिकटून राहण्याचा सल्ला दिला आहे जे संपूर्ण पोषण आणि संतुलित खाण्याच्या सवयींना प्रोत्साहन देते. अनेकांचे यामुळे वजन कमी होत नसले तरीही वजन वाढत नाही याची गॅरंटी ऋजुता देते. इतरांसाठी ते फायदेशीर नसले तरी, कमतरता किंवा आरोग्य समस्या टाळण्यासाठी वजन कमी करण्यासाठी हा आहार महत्त्वाचा ठरतो.