Curd: दह्यासोबत 'या' गोष्टी खात असाल तर आताच थांबा, अन्यथा होऊ शकतात गंभीर आजार

Do Not Eat These Food With Curd: दही आरोग्यासाठी खूप फायदेशीर आहे. यामध्ये प्रथिने, कॅल्शियम, जीवनसत्त्वे, मॅग्नेशियम यासारख्या आवश्यक पोषक तत्वांचा चांगला स्रोत असतो. रोज दहीचे सेवन केल्याने वजन नियंत्रित राहते. म्हणूनच रोज दही खाण्याचा सल्ला दिला जातो. पण काही गोष्टी अशा आहेत ज्यांच्यासोबत चुकूनही दही खाऊ नये. दहीसोबत कोणत्या गोष्टी खाऊ नयेत? याबद्दल जाणून घ्या...

दह्यासोबत या गोष्टींचे सेवन करू नका

उडदाची डाळ-  दही तुमच्या पोटासाठी खूप फायदेशीर आहे. पण उडीद डाळीसोबत दही खाल्ल्यास पोटात गॅस, फुगणे, सूज, बद्धकोष्ठता आणि उलट्या-जुलाब यांसारख्या समस्या उद्भवू शकतात. त्यामुळे त्याचे सात दही सेवन करू नये.

दूध - दह्यासोबत दुधाचे सेवन करू नका. कारण याचे सेवन केल्याने पोटात गॅस, फुगवणे, बद्धकोष्ठता आणि उलट्या जुलाब यांसारख्या समस्या उद्भवू शकतात. अशा परिस्थितीत तुम्हीही दूध आणि दही एकत्र सेवन करत असाल तर काळजी घ्या. कारण असे केल्याने तुमची तबेत बिघडू शकते.

कांदा- रायत्यामध्ये लोक अनेक प्रकारच्या भाज्या वापरतात, बरेच लोक कांद्यासोबत दही खातात. पण त्याचा तुमच्या आरोग्यावर परिणाम होऊ शकतो. कांद्यासोबत दह्याचे सेवन केल्याने पोट, ऍलर्जी संबंधी समस्या देखील होऊ शकतात. त्यामुळे कांद्यासोबत दही खाणे टाळावे.

आंबा - आंब्याची चव गरम आणि दह्याची चव थंड असते. त्यामुळे केळी आणि दही याप्रमाणे आंबा आणि दही एकत्र खाणे टाळावे. त्यामुळे अॅलर्जी, अपचन, त्वचेवर पुरळ उठणे यांसारख्या समस्या उद्भवू शकतात.

मासे - मासे आणि दही एकत्र खाणे धोकादायक मानले जाते. यामुळे शरीराला त्रास सहन करावा लागू शकतो. ज्यामध्ये पचनक्रिया खराब होण्यापासून ते त्वचेच्या संसर्गाचा धोका असू शकतो. त्यामुळे मासे आणि त्यासोबत दही किंवा दुधापासून बनवलेल्या कोणत्याही पदार्थांचे सेवन करू नये. 

तळलेले पदार्थ  - दह्यासोबत कोणतेही तळलेले पदार्थ खाऊ नये. यामुळे अपचन, छातीत जळजळ, गॅस आणि पोटात दुखणे तसेच पचन बिघडण्याचा धोका वाढू शकतो. त्यामुळे दह्यासोबत तळलेले व तेलकट पदार्थ खाणे टाळावे.   

(अस्वीकरण: येथे दिलेली माहिती घरगुती उपचार आणि सामान्य माहितीवर आधारित आहे. ती स्वीकारण्यापूर्वी वैद्यकीय सल्ला घेणे आवश्यक आहे. ZEE 24 TAAS  याची पुष्टी करत नाही.)