Cholesterol Level : कोणत्या वयात किती असावी Cholesterol ची पातळी; जाणून घ्या एका क्लिकवर

Cholesterol Level According To Age : कोलेस्टेरॉल (Cholesterol) हा एक चिकट द्रव आहे जो आपल्या रक्तामध्ये असतो. हे रक्ताच्या प्लाझ्माद्वारे वाहून नेले जाते. आपल्या शरीरात 2 प्रकारचे कोलेस्ट्रॉल असते. पहिले म्हणजे लो डेन्सिटी लिपोप्रोटीन्स म्हणजेच एचडीएल, त्याला गुड कोलेस्ट्रॉल (Good Cholesterol) असेही म्हणतात आणि दुसरे बॅड कोलेस्ट्रॉल (Bad Cholesterol), ज्याला शरीरासाठी खराब असणारं कोलेस्ट्रॉल असेही म्हणतात. खराब कोलेस्टेरॉल रक्तवाहिन्यांमध्ये जमा होऊ शकते, ज्यामुळे अनेक धोकादायक आजारांचा धोका वाढतो. (cholesterol level should be at what age Know in one click health updates nz)

जसं की रक्तवाहिन्यांमधील प्लेक्सची समस्या हृदयविकाराचा झटका आणि स्ट्रोक सारख्या आजारांना प्रोत्साहन देते. दुसरीकडे, एचडीएल (HDL) म्हणजेच रक्तातील चांगले कोलेस्टेरॉल शरीरासाठी चांगले मानले जाते. डॉक्टर एचडीएल, एलडीएल (LDL) आणि एकूण कोलेस्टेरॉलची पातळी मोजू शकतात.  त्याचे परिणाम नॉन-एचडीएल फॅटची पातळी देखील दर्शवू शकतात, ज्यामुळे हृदयाशी संबंधित आजारांना प्रोत्साहन मिळू शकते. वयोमानानुसार आपल्या शरीरातील कोलेस्टेरॉलची पातळी कशी असावी ते आम्ही तुम्हाला सांगणार आहोत.

19 वर्षांपर्यंत कोलेस्ट्रॉल किती असावे?

अहवालानुसार, 19 वर्षांपर्यंतच्या तरुणांच्या शरीरातील एकूण कोलेस्ट्रॉल 170mg/dl पेक्षा कमी असावे. त्यांचे गैर-HDL 120 mg/dl पेक्षा कमी आणि LDL 100 mg/dl पेक्षा कमी असावे. तर, HDL ४५ mg/dl पेक्षा जास्त असावे. 

20 वर्षांपेक्षा जास्त वयाच्या पुरुषांसाठी कोलेस्टेरॉलची पातळी

20 वर्षांपेक्षा जास्त वयाच्या पुरुषांच्या शरीरातील एकूण कोलेस्टेरॉलची पातळी 125-200 mg/dl च्या दरम्यान असावी. त्याच वेळी, नॉन-HDL पातळी 130 mg/dl पेक्षा कमी आणि LDL पातळी 100 mg/dl पेक्षा कमी असावी. त्याच वेळी, HDL पातळी 40 mg/dl किंवा अधिक असणे आवश्यक आहे.

20 वर्षांपेक्षा जास्त वयाच्या महिलांसाठी

20 वर्षांपेक्षा जास्त वयाच्या महिलांच्या शरीरातील एकूण कोलेस्टेरॉल 125-200 mg/dl च्या दरम्यान असावे. याव्यतिरिक्त, नॉन-HDL पातळी 130 mg/dl पेक्षा कमी आणि LDL पातळी 100 mg/dl पेक्षा कमी असावी. HDL पातळी 50 mg/dl किंवा त्याहून अधिक असावी. कोलेस्टेरॉलची पातळी संतुलित राखणे खूप महत्वाचे आहे, कारण कोलेस्टेरॉलची पातळी खालावल्यावर हृदयाशी संबंधित आजारांचा धोका वाढतो.

(वरील माहिती सामान्य संदर्भांच्या आधारे देण्यात आली आहे. गरज वाटल्यास तज्ज्ञांचा सल्ला घ्यावा.)