केमोथेरेपीनंतर माझ्या स्मरणशक्तीत...; कॅन्सरला हरवल्यानंतर अभिनेत्री सोनाली बेंद्रेला जाणवतेय 'ही' समस्या

नव्वदीच्या दशकातील लोकप्रिय अभिनेत्री सोनाली बेंद्रे सध्या आपल्या 'द ब्रोकन न्यूज' या हिट सीरीजमुळे चर्चेत आहे.  सोनाली बेंद्रे, जयदीप अहलावत आणि श्रिया पिलगांवकर ही स्टारकास्ट आहे.  या वेब सीरिजच्या प्रमोशनमध्ये हे कलाकार व्यस्त आहेत. यामध्ये सोनाली बेंद्रेने आपल्या खासगी जीवनातील कठीण काळाबद्दल सांगितलं आहे. 

सोनाली बेंद्रेला 2018 साली कॅन्सर झाल्याचं कळलं. मात्र यावेळी तिने हार मानली नाही आणि धैर्याने रोगाचा सामना केला आणि कॅन्सरचा पराभव केला. सोनाली आता पूर्णपणे बरी आहे, पण आता तिला या आजाराचे परिणाम भोगावे लागत आहेत. केमोचा आपल्या तब्येतीवर कसा परिणाम होतो हे तिने नुकतंच एका मुलाखतीत सांगितलं आहे. 

पिंकविलाशी बोलताना अभिनेत्रीने सांगितले की, एकदा स्क्रिप्ट वाचल्यानंतर ती संपूर्ण मला लक्षात राहायची. पण, या आजारातून परत आल्यानंतर गोष्टी पहिल्या सारख्या राहिल्या नाहीत. सोनालीने सांगितले की, हे कठीण आहे की नाही हे मला माहित नाही. परंतु अलीकडे जेव्हा स्क्रिप्ट वाटते तेव्हा ती पहिल्यासारखी लक्षात राहत नाही. मात्र, केमोनंतर स्क्रिप्ट लक्षात ठेवण्यासाठी त्याला अधिक वेळ लागतो.

ती पुढे म्हणाली की, आजकाल मला त्या ओळी लक्षात ठेवण्यासाठी थोडा जास्त वेळ काढावा लागतो. सोनाली बेंद्रे म्हणाली, 'या केमोमुळे मेंदू धुंध होऊ शकतो. वय वाढत चाललं आहे की नाही हे कळत नाही. पण हा बदल जाणत आहे आणि माझ्यासाठी हे विचित्र आहे. 

2018 मध्ये सोनालीला स्टेज फोर कॅन्सर झाल्याचे निदान झाले होते. तिने न्यूयॉर्कमध्ये उपचार घेतले आणि 2021 मध्ये ती कर्करोगमुक्त झाली. तेव्हापासून ती कॅन्सरग्रस्त लोकांना मदत करत आहे आणि जनजागृती करत आहे.

केमोथेरपीचे शरीरावर होणारे दुष्परिणाम 

1. थकवा- केमोथेरपीनंतर माणसाला पूर्वीपेक्षा जास्त थकवा जाणवतो. त्याच वेळी, जर तुमच्या शरीराला विश्रांतीची आवश्यकता असेल तर ते घ्या, अन्यथा तुम्ही सामान्यपणे कार्य करू शकता.

2. उलट्या किंवा मळमळ- केमोथेरपी घेतल्यानंतर मळमळ किंवा उलट्या जाणवत असल्याचे दिसून येते. याशिवाय ताप आल्यासारखे वाटते.

3. केस गळणे- केमोथेरपी उपचारानंतर औषधांच्या वापरामुळे केस पातळ होतात. त्यामुळे केस गळण्याची समस्या सुरू होते. आम्ही तुम्हाला सांगतो की केस गळण्याची समस्या तात्पुरती असते आणि केस परत वाढतात.

4. तोंडातील जखमा- केमोथेरपी उपचारांमुळे तोंडाच्या आतल्या पेशी नष्ट होऊ शकतात. त्यामुळे तोंड लाल होऊ शकते आणि तोंडाला फोड येऊ शकतात. तोंडाच्या फोडांमुळे अस्वस्थता येते.

5. ॲनिमिया- केमोथेरपीमुळेही ॲनिमिया होऊ शकतो. त्यामुळे ॲनिमियाची समस्या उद्भवते.

6. संसर्ग- केमोथेरपी घेतल्यानंतर संसर्ग होण्याची शक्यता असते. त्यामुळे स्वच्छतेची विशेष काळजी घेतली पाहिजे.

(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)