मल्लिका शेरावतकडून पंतप्रधान मोदींना खास गाणं गात वाढदिवसाच्या शुभेच्छा, पाहा Video

भारताचे पंतप्रधान नरेंद्र मोदी (pm narendra modi birthday) आज त्यांचा 72 वा वाढदिवस साजरा करत आहेत. जगभरातून पंतप्रधान मोदींवर शुभेच्छांचा वर्षाव होत आहे. नरेंद्र मोदी (narendra modi) यांच्या वाढदिवसानिमित्त 70 वर्षानंतर भारतात 8 चित्तेदेखील (cheetahs in india) आणण्यात आले आहे. 

बॉलिवूडमधील (bollywood) कलाकारांनीही पंतप्रधान मोदी (PM Modi) यांना वाढदिवसाच्या शुभेच्छा दिल्या आहेत. अशातच बॉलिवूड अभिनेत्री मल्लिका शेरावतने (mallika sherawat) पंतप्रधान मोदी यांना दिलेल्या वाढदिवसाच्या शुभेच्छा व्हायरल होत आहेत.

2013 मध्ये, नरेंद्र मोदी गुजरातचे (Gujarat) मुख्यमंत्री असताना, त्यांच्या 63 व्या वाढदिवसानिमित्त, बॉलिवूड अभिनेत्री मल्लिका शेरावतने (mallika sherawat त्यांना खूप वाढदिवसाच्या शुभेच्छा दिल्या होत्या. मल्लिका शेरावतने नरेंद्र मोदी यांचा उल्लेख देशातील सर्वात पात्र बॅचलर पुरूष (eligible bachelor) म्हणून केला होता आणि तिचा हा व्हिडिओ अजूनही सोशल मीडियावर उपलब्ध आहे.

या व्हिडिओमध्ये मल्लिका शेरावत सोफ्यावर बसलेली दिसत होती.  मी देशातील सर्वात पात्र बॅचलरला वाढदिवसाच्या खूप खूप शुभेच्छा देऊ इच्छिते, असे मल्लिका शेरावत म्हणाली. यानंतर मल्लिका शेरावत नरेंद्र मोदींसाठी वाढदिवसाचे गाणे गाताना दिसली, ज्यामध्ये तिने पंतप्रधान मोदींना नरेंद्र असे म्हटले.

त्यानंतरही हा व्हिडिओ सोशल मीडियावर खूप व्हायरल झाला होता आणि आजही तो पंतप्रधान मोदींच्या वाढदिवसानिमित्त मोठ्या प्रमाणात शेअर केला जात आहे. मल्लिका शेरावतने ज्या पद्धतीने पंतप्रधान मोदींसाठी हे गाणे गायले त्यावर अनेकांनी टीका केली. मात्र, काही लोकांनी हा व्हिडिओ केवळ शुभेच्छा असल्याचेही म्हटलं.

दरम्यान, मूळची हरियाणातील असलेल्या  मल्लिका शेरावतने दीर्घकाळ बॉलिवूड चित्रपटांमध्ये काम केले आहे. मल्लिकाने मर्डर (2004), द मिथ (2005), हिस्स (2010), पॉलिटिक्स ऑफ लव्ह (2011) आणि टाइम रेडर्स (2016) यांसारख्या चित्रपटांमध्ये काम केले आहे. मल्लिका शेरावतने अनेक चित्रपटांमध्ये बोल्ड सीन्स दिले आहेत.