सुष्मिता सेनने शेअर केला 'टर्निंग पॉइंट' क्षण
आनंदाने शेअर केला फोटो
)
मुंबई : मिस युनिवर्स आणि बॉलिवूड अभिनेत्री सुष्मिता सेनने एक असा फोटो शेअर केला आहे ज्यामुळे तिचे चाहते क्रेझी होऊ शकतात. सुष्मिताने एक असा फोटो शेअर केलाय जेव्हा ती 'मिस युनिवर्स' सुष्मिता सेन बनली नव्हती. पण तिच्या जीवनातील हाच काळ तिच्यासाठी टर्निंग पॉइंट असल्याचं तिने सांगितलं आहे.
सुष्मिताने आपल्या शालेय जीवनातील फोटो शेअर केला आहे तिथे ती तिच्या ग्रुपसोबत आहे. बुधवारी सकाळी सुष्मिताने हा फोटो इंस्टाग्रामवर शेअर केला आहे. हा फोटो टर्निंग पॉइंट ठरला कारण या फोटोच्या अगदी एकावर्षाने फिलिपींसमध्ये 21 मे 1991 मध्ये सुष्मिताला 'मिस युनिवर्स' हा किताब मिळाला.
हा फोटो तेव्हाचा आहे जेव्हा सुष्मिता 17 वर्षांची होती. तिने हा फोटो शेअर करताना कॅप्शनमध्ये लिहिलं आहे की, गुड मॉर्निंग स्वीटहार्ट्स... बघा मला काय मिळालं. 1992-93 मधील एअर फोर्स गोल्डन जुबली इंस्टीट्यूट, माझ्या शाळेचा फोटो...
वयाच्य 18 व्या वर्षी 'मिस युनिवर्स' झाल्यावर सुष्मिता सेनने 1996 मध्ये 'दस्तक' सिनेमातून बॉलिवूडमध्ये पदार्पण केलं. त्यानंतर 'सिर्फ तुम', 'बीवी नंबर 1'आणि 'मै हूं ना' सारख्या सिनेमांमध्ये काम केलं.