बॉलिवूडमध्ये 'स्त्री 2' चा गदर! जवान, पठाण चित्रपटांचे रेकॉर्ड अक्षरश: चिरडले; एकट्या श्रद्धा कपूरने अख्खं बॉलिवूड हलवलं

Stree 2 Collection: बॉलिवूड अभिनेता राजकुमार राव, श्रद्धा कपूर यांच्या प्रमुख भूमिका असणारा 'स्त्री 2' चित्रपट सर्वाधिक कमाई करणारा हिंदी चित्रपट ठरला आहे. चित्रपटाची निर्मिती करणाऱ्या Maddock Films ने याला दुजोरा दिला आहे. एक्सवर चित्रपटाचा पोस्टर शेअर करत त्यांनी एक पोस्ट लिहिली आहे. चित्रपटाने शाहरुख खानच्या जवान (फक्त हिंदी भाषेतील कमाई) चित्रपटाच्या संपूर्ण कमाईला मागे टाकलं आहे.

स्त्री 2 च्या टीमने नव्या रेकॉर्डला दिला दुजोरा

पोस्टरवर लिहिण्यात आलं आहे की, 'भारताच्या बॉक्स ऑफिसवरील पहिल्या क्रमांकाचा हिंदी चित्रपट'. कॅप्शनमध्ये पुढे लिहिण्यात आलं आहे की, "ती स्त्री आहे आणि तिने करुन दाखवलं आहे. हिंदुस्तानातील सर्वोत्कृष्ट नंबर 1 हिंदी चित्रपट".

पुढे त्यांनी लिहिलं आहे की, "आमच्यासह हा इतिहास रचण्यासाठी सर्वाच चाहत्यांची खूप सारे आभार. स्त्री 2 अद्यापही चित्रपटगृहांमध्ये यशस्वीपणे सुरु आहे. चित्रपटगृहांमध्ये या, आणखी काही रेकॉर्ड्स रचूयात".

 

 

 

 

View this post on Instagram

 

 

 

 

 

 

 

 

 

 

 

A post shared by Maddock Films (@maddockfilms)

'स्त्री 2'ने आतापर्यंत किती कमावले आहेत?

चित्रपट समीक्षक तरण आदर्श यांच्यानुसार, श्रद्धा कपूर आणि राजकुमार राव यांच्या 'स्त्री 2' ने भारतीय बॉक्स ऑफिसवर 586 कोटी कमावले आहेत. त्यांनी एक्सवर पोस्ट शेअर करत दुजोरा दिला आहे. चित्रपटाचे पोस्टर शेअर करताना त्यांनी लिहिले, "#Stree2 ने इतिहास रचला... बनला सर्वाधिक कमाई करणारा *हिंदी* चित्रपट... #Jawan [#Hindi version] चे लाइफटाइम कलेक्शन पार केले... पुढील स्टॉप: 600 कोटी क्लबचे उद्घाटन करत आहे.

#Stree2 scripts HISTORY... Becomes the HIGHEST-GROSSING HINDI FILM EVER... Crosses lifetime biz of #Jawan [#Hindi version]... Next stop: Inaugurating the ₹ 600 cr Club.

[Week 5] Fri 3.60 cr, Sat 5.55 cr, Sun 6.85 cr, Mon 3.17 cr, Tue 2.65 cr. Total: ₹ 586 cr. #India biz.… pic.twitter.com/b5KtiIuZYZ

— taran adarsh (@taran_adarsh) September 18, 2024

पाचव्या आठवड्यात चित्रपटाने शुक्रवारी 3.60 कोटी, शनिवारी 5.55 कोटी, रविवारी 6.85 कोटी, सोमवारी 3.17 कोटी, मंगळवारी 2.65 कोटी कमावले आहेत. 

जवानची कमाई किती?

Sacnilk.com नुसार, जवान चित्रपटाची सर्व भाषांमध्ये भारतातील कमाई (हिंदी, तमिळ आणि तेलगू) 640.25 कोटी आहे. हिंदीमध्ये  भारतात चित्रपटाने 582.31 कोटी कमावले आहेत. 

जवान (2023) हा ॲटलीने दिग्दर्शित केलेला ॲक्शन थ्रिलर चित्रपट आहे. या चित्रपटात शाहरुख खान पिता आणि मुलगा अशा दुहेरी भूमिकेत आहे. नयनतारा, विजय सेतुपती, दीपिका पदुकोण, प्रियामणी आणि सान्या मल्होत्रा ​​यांच्याही या चित्रपटात भूमिका आहेत.

स्त्री 2 बद्दल जाणून घ्या

अमर कौशिकने दिग्दर्शित केलेल्या 'स्त्री 2' मध्ये वरुण धवन आणि अक्षय कुमार यांचा कॅमिओ देखील आहे. स्त्री चित्रपट बॉक्स ऑफिसवर चांगलाच गाजला होता. यामुळे सिक्वेलकडून प्रेक्षकांना फार अपेक्षा होत्या. त्यानुसार 'स्त्री 2' ने देशभरातील चाहत्यांच्या अपेक्षा पूर्ण केल्या असून मनं जिंकली आहेत. या चित्रपटात पंकज त्रिपाठी, अभिषेक बॅनर्जी आणि अपारशक्ती खुराना यांच्याही भूमिका आहेत.