'वेळेचे पाऊल आणि 'विक्की वेलिंगकर'ची चाहूल'

मुंबई : 'वेळेचे पाऊल आणि 'विक्की वेलिंगकर'ची चाहूल, फक्त काळालाच कळते!' अशा आशयाचं 'विक्की वेलिंगकर' चित्रपटाचं ट्रेलर प्रदर्शित करण्याता आला आहे. या चत्रपटाची कथा कॉमिक पुस्तकातील व्यक्तिरेखा असून ती एक घड्याळ विक्रेता आहे. आयुष्यातील एका अनपेक्षित अशा गूढतेशी या व्यक्तिरेखेचा सामना होतो. आपल्या सर्व आव्हानांवर आणि अडचणींवर मात करत खंबीरपणे उभे राहणाऱ्या नायिकेची ही कथा आहे.

असं स्पष्टीकरण चित्रपटाचे दिग्दर्शक सौरभ वर्मा यांनी दिलं आहे. त्यांनी यापूर्वी ‘मिकी व्हायरस’ आणि ‘७ अवर्स टू गो’ आदी चित्रपटांचे दिग्दर्शन केले आहे. अभिनेत्री सोनाली कुलकर्णी चित्रपटामध्ये मध्यवर्ती भूमिका साकारणार आहे.

तर स्पृहा जोशी, यांच्याबरोबर संग्राम समेळ, विनिता खरात, केतन सिंग, जुई पवार, गौरव मोरे, आणि रमा जोशी यांच्यादेखील मुख्य भूमिका आहेत. 

सौरभ वर्मा यांच्या दिग्दर्शनाखाली तयार होत असलेल्या या चित्रपटाची निर्मिती जीसिम्सचे अर्जुन सिंग बरान आणि कार्तिक डी निशाणदार तसेच प्रणय चोकसी, डान्सिंग शिवा प्रॉडक्शनचे अनुया चौहान कुडेचा, रितेश कुडेचा आणि लोकीज स्टुडीओचे सचिन लोखंडे आणि अतुल तारकर यांची आहे.