'अमर फोटो स्टुडिओ'त सखी गोखलेऐवजी दिसणार 'ही' अभिनेत्री!
तरुणाईला नाटकांकडे पुन्हा आकर्षित करण्यात यशस्वी ठरलेलं नाटक अमर फोटो स्टुडिओ सध्या रसिकांच्या मनवार राज्य करत आहे.
)
मुंबई : तरुणाईला नाटकांकडे पुन्हा आकर्षित करण्यात यशस्वी ठरलेलं नाटक अमर फोटो स्टुडिओ सध्या रसिकांच्या मनवार राज्य करत आहे. काही दिवसांपूर्वीच या नाटकातून अभिनेत्री सखी गोखलेने एक्झिट घेतली. उच्च शिक्षणासाठी सखी इंग्लंडला रवाना होणार असल्यामुळे तिने हे नाटक सोडले. पण सखी बाहेर पडल्यावर तिची भूमिका कोण साकारणार, याकडे साऱ्यांचे लक्ष लावून राहिले होते. पण आता याचा उलघडा झाला आहे. सखीच्या जागी अभिनेत्री पर्ण पेठे या नाटकात झळकणार आहे.
नुकतीच पर्ण पेठेने ही खुशखबर सोशल मीडियाद्वारे रसिकांना दिली. नाटकाचे पोस्टर शेअर करत पर्णने लिहिले की, प्रत्येक नाटकाचा प्रवास हा अंतरबाह्य बदलवणारा ठरला आहे. हा नवा प्रवास देखील त्याला अपवाद नसेल. एकाच वेळी पोटात गोळा आणणारं, नवीन जबाबदारी देणारं आणि दुसऱ्या बाजुला प्रचंड उत्साह देणारं माझं नवं नाटक- अमर फोटो स्टुडिओ. मला या स्टुडिओत सामावून घेतल्याबद्दल माझ्या सर्व प्रिय मित्र-मैत्रिणींचे मनापासून आभार.
या नाटकातून अमेय वाघ, सुव्रत जोशी, पर्ण पेठे, सिद्धेश पूरकर आणि पूजा ठोंबरे हे तरुण हरहुन्नरी कलाकार रसिकांचे मनोरंजन करणार आहेत.
LIVE