'आरआरआर'चं खतरनाक पोस्टर प्रेक्षकांच्या भेटीला

मुंबई : एकिकडे संपूर्ण देसभरात कोरोनाची दहशत असताना दुसरीकडे सर्वच व्यवहारांवर याचे थेट पडसाद दिसून येऊ लागले आहेत. कलावर्तुळालाही कोरोना व्हायरसची झळ लागली आहे. या सर्व तणावपूर्ण परिस्थितीमध्ये एस.एस. राजामौली यांच्या आगामी चित्रपटाचा मोशन पोस्टर प्रेक्षकांच्या भेटीला आला आहे. 

'आरआरआर' असं नाव असणाऱ्या या चित्रपटाचा पोस्टर अभिनेता अजय देवगन याने प्रेक्षकांच्या भेटीला आणला. ज्यामघ्ये राईज, रिव्होल्ट, रोअर असे शब्द या चित्रपटाच्या मोशन पोस्टरमध्ये पाहायला मिळत आहेत. तर, आग आणि पाणी एकत्र आल्यामुळे नेमकं काय होऊ शकतं याची एक झलक या पोस्टरमधून पाहायला मिळत आहे.  

'बाहुबली' या चित्रपटामुळे प्रेक्षकांना राजामौली यांच्या या आगामी चित्रपटाच्या बऱ्याच अपेक्षा आहेत. किंबहुना राजामौली यांनीही या अपेक्षांना अंदाज घेतच 'आरआरआर'चा पोस्टर प्रेक्षकांच्या भेटीला आणल्याचं कळत आहे. या चित्रपटातून अभिनेता अजय देवगन एका खास भूमिकेत झळकणार आहे. दोन स्वातंत्र्यसैनिकांभोवती या चित्रपटाचं कथानक फिरणार आहे. जवळपास ३५० ते ४०० कोटी अशा निर्मिती खर्चामध्ये हा चित्रपट साकारला जात असल्याची माहिती समोर येत आहे. 

 

 

 

 

View this post on Instagram

When the powers of opposing forces like fire and water come together, intense energy is what you'll have! Here's the #RRRMotionPoster - #RiseRoarRevolt @ssrajamouli @jrntr @alwaysramcharan @aliaabhatt @oliviakmorris @alison_doody @thondankani @dvvmovies @RRRMovie #RRR #RRRMovie #RRROnJan8th

A post shared by Ajay Devgn (@ajaydevgn) on Mar 24, 2020 at 11:32pm PDT

दरम्यान, 'तान्हाजी- द अनसंग वॉरियर' या चित्रपटातून प्रेक्षकांच्या मनावर अधिराज्य गाजवणारा अजय देवगन या चित्रपटातून नेमकी कोणती भूमिका साकारेल याविषयीची माहिती गुलदस्त्यात आहे. पण, चित्रपटाचं मोशन पोस्टर पाहता त्याच्या वाट्यालाही अफलातून भूमिका आली असणार यात शंका नाही.