मलायका अरोरा आणि अरबाज पुन्हा दिसले एकत्र; पण चर्चा सलमान खानच्या अनुपस्थितीची
मलायका अरोराने अलीकडेच मुंबईतील वांद्रे येथे तिच्या नवीन रेस्टॉरंटचे ग्रँड लॉन्च केले आहे. यावेळी एक खास क्षण पाहायला मिळाला, कारण तिचा एक्स-हसबंड अरबाज खान आपल्या कुटुंबासह तिच्या कार्यक्रमाला उपस्थित राहिला. त्यांच्या उपस्थितीचे अनेक फोटो आणि व्हिडीओ सोशल मीडियावर व्हायरल होत आहेत. परंतु दबंग खान या कार्यक्रमाला अनुपस्थित असल्याने चाहत्यांनी त्यांचा व्हिडीओवर तो कुठे असल्याचा प्रश्न उपस्थित केला आहे.
)
मलायका आणि अरबाज पुन्हा एकत्र
मलायका अरोरा आणि अरबाज खान यांनी 1998 साली लग्न केले होते. परंतु 19 वर्षांच्या सहजीवनानंतर 2017 मध्ये त्यांनी वेगळं होण्याचा निर्णय घेतला. या दोघांना अरहान नावाचा मुलगा आहे, जो आपला वेळ आई आणि वडिलांसोबत विभागून घालवतो. घटस्फोटानंतरही खान कुटुंब आणि मलायका अरोरा यांच्यातील नातेसंबंध चांगले आहेत. याचे उदाहरण म्हणजे यावर्षी मलायकाच्या वडिलांच्या निधनाच्या वेळी खान कुटुंब तिच्या दुःखात सहभागी झाले होते.
खान कुटुंबाची कार्यक्रमात उपस्थिती
मलायकाच्या नवीन रेस्टॉरंटच्या उद्घाटनासाठी अरबाज खानसह सलीम खान, सुशीला चरक (सलमा खान), हेलन, सोहेल खानचा मुलगा निर्वाण आणि सलमानची बहीण अलविरा पती अतुल अग्निहोत्रीसह उपस्थित होती. अरहान आपल्या आजी हेलनचा हात धरून तिला रेस्टॉरंटमध्ये घेऊन जाताना दिसला. हेलन आणि अरहानने एकत्र पॅप्ससाठी पोजही दिली.
सलमान खानची अनुपस्थिती आणि चाहत्यांची प्रतिक्रिया
या कार्यक्रमात सलमान खान आणि सोहेल खान मात्र उपस्थित नव्हते. त्याचबरोबर अरबाजची सध्याची पार्टनर जॉर्जिया अँड्रियानीही दिसली नाही. चाहत्यांनी खान कुटुंबाच्या एकत्रित उपस्थितीचे कौतुक करताना त्यांच्या नात्यांमधील बांधिलकीचा उल्लेख केला. अनेकांनी कमेंट्स देखील केल्या आहेत. त्यातील एका नेटकऱ्याने लिहिले, 'खान कुटुंब दु:खी असो किंवा सुखी नेहमीच एकमेकांच्या पाठीशी उभे राहते.'
मलायकाचा आनंद आणि कुटुंबाचा आधार
मलायकाच्या चेहऱ्यावर खान कुटुंबाने दिलेल्या आधारामुळे अधिक आनंद झळकत होता. तिच्या नव्या यशात सहभागी होण्यासाठी खान कुटुंबाने दिलेल्या पाठिंब्याने हे सिद्ध केले की त्यांचे नाते वैयक्तिक वादांपलीकडेही मजबूत आहे.
खान कुटुंबाचे आदर्श उदाहरण
सोशल मीडियावर हे फोटो आणि व्हिडिओ मोठ्या प्रमाणावर शेअर होत असून, चाहत्यांनी मलायका आणि खान कुटुंबातील नातेसंबंधांचे कौतुक केले आहे. 'आदर्श कुटुंब' म्हणून त्यांची चर्चा होत आहे, ज्यामुळे त्यांच्या चाहत्यांसाठी हे प्रेरणादायी ठरली आहे.