धक्कादायक : भररस्त्यात 'या' प्रसिद्ध अभिनेत्याच्या पत्नीला बलात्काराच्या धमक्या
जय भानुशालीची पत्नी माही विज हिला रस्त्यावर बलात्काराची उघड धमकी मिळाली आहे.
)
मुंबई : प्रसिद्ध टीव्ही होस्ट, बॉलीवूड अभिनेता आणि बिग बॉस स्पर्धक जय भानुशालीची पत्नी माही विज हिला रस्त्यावर बलात्काराची उघड धमकी मिळाली आहे. जयची पत्नी स्वतः अभिनेत्री आहे. पण लग्नानंतर तिने अभिनय करिअर थांबवलं आणि मुलांचं संगोपन सुरू केलं. मात्र ती सोशल मीडियाच्या माध्यमातून नेहमी चाहत्यांच्या संपर्कात असते.
माहीने शेअर केला व्हिडिओ
अभिनेत्री माही विजने नुकताच तिच्या ट्विटर अकाऊंटवर एक व्हिडिओ शेअर केला आहे आणि हा व्हिडिओ शेअर करत अभिनेत्रीने सांगितलं की, एका व्यक्तीने तिला मध्येच थांबवलं आणि तिला शिवीगाळच केली नाही तर बलात्काराचीही धमकी दिली. तिने या व्हिडिओमध्ये मुंबई पोलिसांनाही टॅग केलं असून स्वत:साठी मदतीचा हात मागितला आहे. माही विजचा हा व्हिडिओ मोठ्या प्रमाणात व्हायरल होत आहे.
This person banged my car got abusive and gave me rape threats his wife got aggressive and said chod de isko @MumbaiPolice help me find this guy who is threat to us pic.twitter.com/XtQbt1rFbd
— Mahhi vij (@VijMahhi) May 7, 2022
मुंबई पोलिसांकडे मागितली मदत
माही विजने शेअर केलेल्या या व्हिडिओमध्ये फक्त एका गाडीची नंबर प्लेट दिसत असून काही लोकांचा आवाज येत आहे. हा व्हिडिओ फक्त चार सेकंदांचा आहे. अभिनेत्रीने मुंबई पोलिसांना टॅग करत म्हटलं आहे की, आम्हाला धमकी देणाऱ्या या व्यक्तीला शोधण्यात मला मदत करा. माहीच्या या ट्विटला मुंबई पोलिसांनी उत्तर दिलं आहे. तुम्ही जवळच्या पोलीस ठाण्यात जाऊन घटनेची माहिती देत तक्रार नोंदवा, असं त्यांनी लिहिलं आहे.
LIVE