वेब सीरिज 'पान पर्दा जर्दा'च्या चित्रीकरणाला सुरूवात!

मुंबई :  दिग्दर्शक गुरमीत सिंग आणि शिल्पी दासगुप्ता,  क्रिएटिव्ह टॅलेंट मृघदीप सिंग लांबा, सुपर्ण वर्मा, हुसेन दलाल आणि अब्बास दलाल,  राधिका आनंद  आणि विभा सिंग यांच्या नेतृत्वाखाली बनणाऱ्या ह्या वेबसिरीज मध्ये ओटीटीचे नामवंत कलाकार मोना सिंग, तन्वी आझमी, प्रियांशू पैन्युली, तानया माणिकतला, सुशांत सिंग, राजेश तैलंग आणि मनु ऋषी मुख्य भूमिकेत दिसणार आहेत.

जिओ स्टुडिओजने 27 सप्टेंबर रोजी त्यांच्या हाय-ऑक्टेन गँगस्टर ड्रामा "पान पर्दा जर्दा" ह्या वेबसिरीजच्या शूटींगला सुरुवात केली असून  रिलायन्स एंटरटेनमेंट आणि ड्रीमर अँड डूअर्स कंपनी यांच्या संयुक्त विद्यमाने संकल्पनात्मक आणि निर्मित या वेब सीरिजमध्ये  गुरमीत सिंग आणि शिल्पी दासगुप्ता या दिग्गज दिग्दर्शकांसह, पॉवरहाऊस शोरनर ची टीम मृघदीप सिंग लांबा, सुपर्ण वर्मा आणि हुसैन दलाल तसेच अब्बास दलाल  ही प्रतिभावान लेखक जोडी एकत्रीत येणार आहे. 

मालिकेचे शोरनर आणि सह-दिग्दर्शक गुरमीत सिंग म्हणतात, "आम्ही जिओ स्टुडिओजच्या सहकार्याने पान पर्दा जर्दा सह एक नवीन प्रवास सुरू करण्यास उत्सुक आहोत. या सिरीजचा रंग आणि पोत खुपचं अनोखी आहे. ह्याची कथा, कृती, कौटुंबिक नाटक मध्य भारतातील बेकायदेशीर अफूच्या तस्करीच्या पार्श्‍वभूमीवर आधारित आहे. शोरनर आणि सह-दिग्दर्शिका शिल्पी दासगुप्ता यांनी तयार केलेल्या मूळ कथेतून विकसित, विलक्षण लेखन कक्षाद्वारे सूक्ष्मपणे विणलेले नातेसंबंध या सिरीजची गुरुकिल्ली आहे.  आम्ही आमच्या विलक्षण प्रतिभावान कलाकार आणि क्रूसह चित्रीकरण सुरू करण्यास उत्सुक आहोत."

शोरनर मृघदीप सिंग लांबा म्हणतात, ''पान पर्दा जर्दा हे प्रेमळ श्रम आहे जे अनेक वर्षांच्या संशोधन आणि लेखनाच्या तयारीनंतर तयार केले गेले आहे.  पूर्वी न पाहिलेल्या व अज्ञात असे कथानक उलगडताना पाहून प्रेक्षकांना आनंद होईल.  गुरमीत सिंग, शिल्पी दासगुप्ता आणि माझ्यासाठी हा एक सुंदर क्षण आहे कारण ही कथा प्रेक्षकांपर्यंत पोहोचवण्याचे खूप दिवसांपासूनचे आमचे स्वप्न होते."

लेखक सुपर्ण एस वर्मा म्हणतात, ''भोपाळच्या समृद्ध इतिहास आणि टेपेस्ट्रीमध्ये अडकलेल्या पान पर्दा जर्दाचे रोमँटिक आणि हिंसक जग तयार करणे अद्भुत होते. आमच्या कल्पनेने पात्रांना आणि परिस्थितींना पंख दिले जे नेहमीचे सिनेमॅटिक नियम मोडतात.  या सिरीजने मला जुन्या मित्रांसोबत आणि नवीन मित्रांसोबत काम करण्याची संधी देखील दिली जी एक अतिरिक्त फायदा होती, ज्यामुळे ह्याची प्रक्रिया खूप समाधानकारक होती.''

पान पर्दा जर्दा ही एक रोमांचकारी गँगस्टर ड्रामा वेब सिरीज आहे  जी मध्य भारतातील बेकायदेशीर अफूच्या तस्करीच्या पार्श्वभूमीवर आधारित आहे. अशी एक आकर्षक कथा जिथे कुटुंब आणि प्रियजनांमध्ये युद्धाच्या रेषा आखल्या जातात आणि निष्ठा बदलली जाते.