'Avengers: Endgame' चित्रपटाचा गल्ला वाढता वाढता वाढे...
'Avengers: Endgame' या चित्रपटाने एस.एस.राजमौली दिग्दर्शित 'बाहुबली २' चित्रपटाचा विक्रम मोडीत काढला आहे.
)
मुंबई : सध्या संपूर्ण देशातील कलाविश्वात फक्त 'Avengers: Endgame' या चित्रपटाची चर्चा रंगलेली आहे. बच्चे कपंनीपासून ते मोठ्यांच्या मनात 'Avengers: Endgame' चित्रपटाने अधिराज्य गाजवले आहे. फक्त परदेशातच नव्हे, तर भारतातही या चित्रपटाने प्रेक्षकांना भुरळ घातली आहे. फर्स्ट डे फर्स्ट शो पाहण्यापासून चित्रपटाविषयीच्या पोस्ट पर्यंत प्रत्येक गोष्टीत प्रेक्षकांचा भरभरुन प्रतिसाद पाहायला मिळाला.
एस.एस.राजमौली दिग्दर्शित 'बाहुबली २' चित्रपटाचा विक्रम मोडीत काढला आहे. 'Avengers: Endgame' मागील अठवड्यात २६ एप्रिल रोजी प्रदर्शित करण्यात आला. चित्रपटाने आतापर्यंत २४४.३० कोटी रूपयांचा गल्ला जमवला आहे.
#AvengersEndgame is on a record-smashing spree... Holiday on Wed [some states] proved advantageous... Now highest grossing #Hollywood film in #India... Fri 53.60 cr, Sat 52.20 cr, Sun 52.85 cr, Mon 31.05 cr, Tue 26.10 cr, Wed 28.50 cr. Total: ₹ 244.30 cr Nett BOC. India biz.
— taran adarsh (@taran_adarsh) May 2, 2019
ट्रेड अॅनलिस्ट तरण आदर्श यांनी चित्रपटाच्या कमाईचा आकडा ट्विटरच्या माध्यमातून जाहीर केला आहे. बऱ्याच दिवसांपासून हा चित्रपट कधी प्रदर्शित होणार याविषयीचीच उत्सुकता चाहत्यांमध्ये पाहायला मिळाली होती. आता हा चित्रपट किती कोटींचा पल्ला गाठतो हे पाहणे औत्सुक्याचे ठरणार आहे.
फक्त भारतातच नव्हे, तर जगभरात या चित्रपटाच्या कमाईचे आकडे पाहता हे सारंकाही अद्वितीय असल्याचीच प्रतिक्रिया पाहायला मिळत आहे. येत्या काळातही Avengers: Endgame ची जादू कायम राहिली तर, बॉलिवूडच्या इतर चित्रपटांना याचा फटका बसू शकतो.