अक्षय कुमारकडून रायगडमधील 10 वर्षाच्या चिमुकल्याचं कौतुक, कारण ऐकल्यावर तुम्हीही कराल कडक सॅल्युट

मुंबई : बॉलिवूडचा खिलाडी कुमार हा हिंदी सिनेमाचा अ‍ॅक्शन हिरो मानला जातो. अभिनेता त्याच्या मार्शल आर्ट्स आणि त्याच्या मजबूत कराटे कौशल्यांसाठी जगभरात प्रसिद्ध आहे. ही कला प्रत्येक व्यक्तीला माहित असावी अशी अक्षयची इच्छा आहे. ज्यामुळे तो सतत मुलांना कराटे आणि मार्शल आर्ट शिकण्यास मदत करतो. अशा परिस्थितीत अभिनेत्याने थोड्या वेळाआधी ट्विटमध्ये दहा वर्षांच्या मुलाचं कौतुक केलं आहे. होय, या मुलाने गाडीच्या काचा फोडून आपलं संपूर्ण कुटुंब पाण्यात बुडण्यापासून वाचवलं आहे. अक्षयला याची माहिती मिळताच त्याने ताबडतोब या मुलाबद्दल एक पोस्ट टाकून त्याचं कौतुक केलं.

श्री.भायडे असं या मुलाचं नाव आहे, या मुलाचं संपूर्ण कुटुंब रायगडमधील मुरुड-अलिबाग रोडवरील काशिद पूल पार करीत होतं. जिथे या कुटुंबियांची एसयूव्ही कार मध्यभागी अडकली. पाण्याचा प्रवाह जास्त होता, त्या कारने पाणी आत वेगाने भरण्यास सुरवात झाली आणि कारचे सर्व दरवाजे आपोआप बंद झाले. ज्यामुळे आता बाहेर पडायला कोणताही मार्ग नव्हता. पण त्यादरम्यान श्रींच्या मनाचा विचार आला आणि या लहान मुलाने आपल्या सगळ्या ताकदीने कारची विंडो तोडली. श्रीने विंडस्क्रीन पूर्णपणे ब्रेक होईपर्यंत काचेवर बुक्के मारले. विंडस्क्रीन फुटल्यानंतर श्री बाहेर आला, त्यानंतर त्यांनी कारमध्ये असलेल्या आपल्या कुटुंबियांना गाडीतून खाली उतरवण्यास मदत केली.

या लहान मुलाच्या या कार्याची बातमी समजताच अक्षय कुमार आश्चर्यचकित झाला, त्याने हे खास ट्विट करत लिहिलं की, "सात वर्षांच्या कराटे सरावाने या दहा वर्षांच्या मुलाला आपलं कुटुंब आणि आपला जीव वाचविण्यात मदत केली. "वेल डन, श्री! माझा यातून विश्वास सिद्ध करतो की, मार्शल आर्ट्स हा फक्त एक खेळ नाही तर हा एक लाइफ सेव्हर आहे. स्वत:चं संरक्षण तंत्र जाणून घ्या, वेळ वाचणं खूप उपयुक्त आहे. अक्षय कुमार गेली कित्येक वर्षे मुंबईत आयोजित आत्म-संरक्षण कौशल्यांमध्ये भयंकर सहभाग घेतो. अक्षयने महाराष्ट्र सरकारच्या युवा सेनेच्या सहकार्याने अनेक वर्ग सुरू केले आहेत.

Seven years of Karate training helped this 10-yr-old boy save his family’s, and his own life.Well done, Shree!Proves my belief that martial arts are not mere sports,they are true life savers.Learn self defence techniques,waqt padne pe bahot kaam aati hain.https://t.co/QnpUCBKvyF

— Akshay Kumar (@akshaykumar) July 16, 2021

अक्षयच्या वर्कफ्रंटबद्दल बोलायचं झालं तर, नुकताच अक्षय कुमार 'फिलहाल 2' या गाण्यात नुपूर सॅनॉनसोबत दिसला होता. याचबरोबर अक्षय आपला आगामी चित्रपट 'रक्षाबंधन' मुंबईत शूट करत आहे.