धक्कादायक : प्रसिद्ध गायक बाथरुममध्ये आढळला रक्तबंबाळ अवस्थेत

मुंबई : अलीकडेच बॉलिवूडमधील प्रसिद्ध गायक आणि संगीतकार झुबीन गर्ग यांची प्रकृती बिघडली. हा सिंगर बाथरूममध्ये गंभीर अवस्थेत सापडला होता. त्यानंतर त्याला रुग्णालयात दाखल करावं लागलं. 'या अली' या गाण्याने लोकांच्या हृदयावर आपला ठसा उमटवणारी झुबीन रुग्णालयात दाखल होऊन उपचार घेत आहे. झुबीनला बाथरूममध्ये रक्तस्त्राव होताना दिसला आणि रुग्णालयात नेल्यानंतर त्याच्या डोक्याला पाच टाके पडले. डॉक्टरांच्या रिपोर्टनुसार, त्याला डिहायड्रेशन आहे आणि त्याला शारीरिक कमजोरीही आहे.

हॉस्पिटलमध्ये एअरलिफ्ट केलं
गायक आणि संगीतकार झुबीन गर्ग यांना बुधवारी संध्याकाळी एअरलिफ्ट करून दिब्रुगडमधील एका खासगी रुग्णालयात दाखल करण्यात आलं. रिपोर्ट्समध्ये डॉक्टरांनी सांगितलं आहे की, झुबीनला बाथरूममध्ये मिरगीचा झटका आला होता. त्यानंतर तो बेशुद्ध पडला. त्यामुळे त्याला पाच टाकेही पडले. यामुळे तो रक्तबंबाळ अवस्थेत सापडला. सध्या त्याची प्रकृती स्थिर असल्याचं सांगण्यात येत आहे.

मुख्यमंत्रीही चिंतेत
आसामचे मुख्यमंत्री डॉ. हेमंत बिस्वा शर्मा यांनी दिब्रुगडच्या उपायुक्तांना गायिका झुबीन गर्गवर लवकरात लवकर सर्व प्रकारचे उपचार करण्याचे निर्देश दिले आहेत. गरज भासल्यास गायकाला एअर एम्ब्युलन्सने उपचारासाठी कुठेही नेण्यास उशीर करू नका असंही ते म्हणाले.

आसाममधील सर्वात महागडा गायक
झुबीन गर्गच्या गायन कारकिर्दीबद्दल बोलायचं झालं तर त्याने इंग्रजी, कन्नड, कार्बी, खासी, मल्याळम, मराठी, मिसिंग, नेपाळी, ओडिया, सिंधी, तामिळ, तेलगू आणि तिवा यासह अनेक भाषांमध्ये गाणी गायली आहेत. झुबीनने असाही दावा केला आहे की, त्यांनी आतापर्यंत 32 हजार गाणी रेकॉर्ड केली आहेत आणि त्यासाठी तो गिनीज वर्ल्ड रेकॉर्डशी संपर्क साधणार आहेत. आसामी भाषेतील सर्वात महागडा गायका म्हणून झुबिनाकडे पाहिलं जातं.

जुबीन गर्गला 'गँगस्टर' चित्रपटातील 'या अली' या गाण्याने त्याच्या करिअरमधील सर्वात मोठा ब्रेक मिळाला. जे आजही लोकांना ऐकायला आवडतं. वैयक्तिक आयुष्याबद्दल सांगायचं झालं तर, झुबीनची बहीण जोंकी देखील एक अभिनेत्री आणि गायिका होती. जिचा फेब्रुवारी 2002 मध्ये एका रोड अपघातात मृत्यू झाला.