Saudi Aid To Pak: అప్పుల్లో కూరుకుపోయి ఆర్థిక సంక్షోభంలో కొట్టుమిట్టాడుతున్న పాకిస్థాన్కు సౌదీ అరేబియా భారీ సాయం అందించనుంది. 4.2 బిలయన్ డాలర్ల సాయం అందించనున్నట్లు సౌదీ అరేబియా(Saudi Arabia) ప్రకటించింది. ఈ వారం సౌదీలో పర్యటించిన పాక్ ప్రధాని ఇమ్రాన్‌ఖాన్‌(Imran Khan).. ఆ దేశ యువరాజు మహ్మద్ బిన్ సల్మాన్(Saudi Prince Mohammad bin Salman)తో చర్చలు జరిపిన మూడు రోజుల అనంతరం ఈ ప్రకటన వెలువడింది. సాయంలో భాగంగా.. పాకిస్థాన్ కేంద్ర బ్యాంకులో 3 బిలియన్ డాలర్లను సౌదీ డిపాజిట్ చేయనుంది. మరో 1.2 బిలియన్ డాలర్లను ఈ ఏడాది రిఫైన్డ్ పెట్రోలియం ఉత్పత్తులకు ఫైనాన్స్ చేయనుంది.
Also read:US: తొలి 'ఎక్స్‌'’ జెండర్‌ పాస్‌పోర్టు జారీ చేసిన అగ్రదేశం
పాకిస్థాన్(Pakistan)కు 2018లోనే సౌదీ 3 బిలియన్ డాలర్ల ఆర్థిక సాయం అందించింది. విదేశీ మారక నిల్వల కోసం మరో 3 బిలియన్ డాలర్ల చమురు సాయం అందిస్తామని అప్పట్లో ప్రకటించింది. అయితే ఆ తర్వాత ఇరు దేశాల మధ్య సంబంధాలు దెబ్బతినడంతో తీసుకున్న 3 బిలియన్ డాలర్లలో 2 బిలియన్ డాలర్లను పాక్ తిరిగి వెనక్కి ఇచ్చేసింది. ఇప్పుడు మళ్లీ ఇమ్రాన్ ఖాన్ మూడు రోజుల సౌదీ పర్యటన అనంతరం సంబంధాలు మెరుగుపడ్డాయి.
తాజా సాయానికి గానూ సౌదీ యువరాజుకు పాక్ ప్రధాని ఇమ్రాన్ ఖాన్ ధన్యవాదాలు తెలిపారు. ఆర్థిక ఇబ్బందులతో కష్టకాలంలో ఉన్న తమ దేశాన్ని ఆదుకుంటున్నందుకు కృతజ్ఞతలంటూ ట్వీట్ చేశారు. సౌదీ ఆర్థిక సాయంతో పాకిస్థాన్ రూపాయి(Pak Rupee) కోలుకుంటుందని ఇమ్రాన్ ఆర్థిక సలహాదారు శౌకత్ తరిణ్ ఆశాభావం వ్యక్తం చేశారు. సౌదీ ఆర్థిక ప్యాకేజీతో అంతర్జాతీయ ద్రవ్యనిధి(IMF) కార్యక్రమానికి ఎలాంటి సంబంధం లేదని శౌకత్ స్పష్టం చేశారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
