కరోనా వైరస్ ( Corona virus ) మరో అదనపు లక్షణంలో కలవరం కల్గిస్తోంది. కరోనా వైరస్ సోకినవారికి కూడా మళ్లీ వ్యాధి తిరగబెడుతుండటం ఆందోళన కల్గిస్తోంది. దీర్ఘకాలిక వ్యాధి లక్షణాలే కరోనా వైరస్ సంకేతాలుగా తెలుస్తోంది.
కరోనా వైరస్ మొట్టమొదటి సారిగా వెలుగుచూసిన చైనా ( China ) లో ఇప్పుడు మరో కలకలం రేగుతోంది. కరోనా వైరస్ గురించి కొత్త లక్షణాలు ( New Symptoms ) బయటపడుతుండటం ఆందోళన కల్గిస్తోంది. గతంలో కరోనా సోకిన వారికే మళ్లీ వ్యాధి రావడం కలకలం కల్గిస్తోంది. సెంట్రల్ చైనా ప్రావిన్స్ హుబీలో ( Central China province ) 68 ఏళ్ల మహిళకు వ్యాది ప్రారంభమైన కొత్తలో అంటే గత ఏడాది డిసెంబర్ లో కరోనా సోకింది. ఇప్పుడు మళ్లీ అంటే ఆరేడు నెలల సుదీర్ఘ విరామం అనంతరం మరోసారి కరోనా నిర్ధారణైంది. అదే విధంగా విదేశాల్నించి వచ్చిన ఓ వ్యక్తికి ఏప్రిల్ నెలలో కరోనా పాజిటివ్ గా తేలింది. ఇప్పుడు మళ్లీ వారం రోజుల క్రితం కరోనా సోకినట్టు తేలింది. అయితే ఈ వ్యక్తికి లక్షణాలు మాత్రం లేవని తెలిసింది.
కరోనా వైరస్ సోకి కోలుకున్న తరువాత వ్యాధి మరోసారి తిరగబెట్టడం నిజంగానే ఆందోళన కల్గిస్తోంది. దీన్ని బట్టి కరోనా వైరస్ లో దీర్ఘకాలిక లక్షణాలున్న వ్యాధిగా ( Chronic disease ) భావించవచ్చనే వాదన ప్రారంభమైంది. ఒకసారి వ్యాధి సోకితే మళ్లీ రావచ్చనే అభిప్రాయం వ్యక్తమౌతోంది. Also read: WHO: రష్యా వ్యాక్సిన్ పనితీరుపై సందేహాలు
వాస్తవానికి వైరస్ అనేది ఓసారి సోకి..బయటపడినప్పుడు ఆ వ్యక్తిలో యాంటీబాడీలు ( Anti bodies ) తయారై..తిరిగి ఆ వ్యాధి ఎటాక్ చేయకుండా ప్రతిరోధకాలుగా పనిచేస్తాయి. కానీ కోవిడ్ వైరస్ విషయంలో అలా నూటికి నూరు శాతం జరగడం లేదు. ఇలా రెండోసారి వైరస్ బారిన పడటానికి కారణం సదరు వ్యక్తిలో రోగ నిరోధక శక్తి ( Immunity power ) లేకపోవడమ లేదా వైరస్ బలోపేతం కావడమా అనేది ఇంకా తెలియాల్సి ఉంది. ఇప్పుడీ దిశగా పరిశోధనలు ప్రారంభమయ్యాయి. ఒకవేళ కరోనా వైరస్ అనేది దీర్ఘకాలిక వ్యాధిగా మారుతుందా అనేే ఆందోళన కూడా కలుగుతోంది. Also read: COVID-19 vaccine: భారత్ చేస్తోన్న కొవిడ్-19 వ్యాక్సిన్ ప్రయోగాలపై భూటాన్ ఆసక్తి
