Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు

రామ్‌చరణ్ హీరోగా సుకుమార్ దర్శకత్వంలో వచ్చిన 'రంగస్థలం' థియేటర్లలో అదరగొడుతోంది. ఇటు ఆంధ్ర నుంచి అటు అమెరికా వరకు ప్రతి చోట ఈ చిత్రం వసూళ్ల వర్షం కురిపిస్తోంది. మరోవైపు ఈ చిత్రంపై పలువురు సినీ ప్రముఖులు.. సినిమాపై తమ అభిప్రాయాన్ని తెలుపుతున్నారు. ఈ నేపథ్యంలో తాజాగా డైలాగ్ కింగ్ మోహన్ బాబు రంగస్థలంపై కామెంట్లు చేశారు.

రంగస్థలం చిత్రానికి అన్నిచోట్లా పాజిటివ్ టాక్ రావడం ఎంతో సంతోషంగా ఉందని హీరో మోహన్ బాబు వ్యాఖ్యానించారు. ఈ చిత్రంలో అద్భుతంగా నటించిన రామ్‌చరణ్ సహా అందరికీ అభినందనలు తెలుపుతున్నట్లు పేర్కొన్నారు. ఏ తండ్రికైనా పిల్లల విజయం కంటే సంతోషం మరొకటి ఉండదని, ఇప్పుడు తన స్నేహితుడు చిరంజీవి కూడా రాంచరణ్ విషయంలో గర్వపడుతుంటాడని ఆశిస్తున్నట్లు మోహన్ బాబు ట్విట్టర్‌లో తెలిపారు.

' 'రంగస్థలం' గురించి అన్ని చోట్ల పాజిటివ్ టాక్‌ వింటున్నాను. త్వరలోనే మూవీని చూస్తాను. చిట్టిబాబుకు అలాగే ఈ చిత్రంలో భాగమైన అందరికీ కంగ్రాట్స్. ఏ తండ్రికైనా తన పిల్లల విజయం కంటే మించిన సంతోషం మరొకటి ఉండదు. ఇప్పుడు నా స్నేహితుడు చిరంజీవి కూడా అలాగే గర్వపడుతున్నాడని భావిస్తున్నా" అని ట్విట్టర్‌లో పేర్కొన్నారు మోహన్‌బాబు.

Hearing good things about #Rangastalam Will watch it soon. Congrats to Charan and the entire team. Fathers need nothing more than seeing their sons excel in their chosen field. And I am sure my dear friend Chiranjeevi is quite proud! Congratulations!

— Mohan Babu M (@themohanbabu) April 2, 2018

రామ్ చరణ్ కెరీర్ లోనే 'రంగస్థలం' బెస్ట్ నంబర్స్ రికార్డు చేస్తోంది. మొదటి రోజు నుంచి కంప్లీట్ పాజిటివ్ టాక్‌తో దూసుకుపోతున్న ఈ మూవీ, ఫస్ట్ వీకెండ్ నాటికి దిమ్మతిరిగే కలెక్షన్లు సాధించింది. ఓవర్సీస్‌లో 3 మిలియన్ డాలర్ క్లబ్ క్రియేట్ చేస్తుందనే అంచనాలు ఇప్పటికే మొదలవ్వగా.. ఇటు తెలుగు రాష్ట్రాల్లో ఫస్ట్ వీకెండ్ లో ఏకంగా 38 కోట్ల రూపాయల షేర్ సాధించి, ట్రేడ్ ను సర్ ప్రైజ్ చేస్తోంది.