Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు
180879 టీమిండియా ఆటగాడు మహమ్మద్ షమిపై ఆయన భార్య హసీన్ జహాన్ ఫిర్యాదు చేసిన క్రమంలో ఆయన పై కోల్‌కతా పోలీసులు ఎఫ్‌ఐఆర్ నమోదు చేశారు. ఆయనకు పలు వివాహేతర సంబంధాలు ఉన్నాయని.. ఈ విషయంపై ప్రశ్నించిన తనను ఆయన హింసిస్తున్నారని ఆమె ఆరోపించారు. ఆ ఆరోపణలకు ఊతమిస్తూ.. ఆమె షమితో సన్నిహితంగా ఉన్న పలు మహిళల ఫోటోలను సోషల్ మీడియాలో షేర్ చేశారు.
ఈ ఫోటోలను తాను షమీ ఫోన్ నుండి తీసుకున్నట్లు ఆమె తెలిపారు. ఈ సందర్భంగా జహాన్ పలు మీడియా సంస్థలతో మాట్లాడారు. ఆయన తనను చంపడానికి ప్రయత్నించారని.. చాలా టార్చర్ పెట్టారని ఆమె తెలిపారు. షమీ భార్య ఇచ్చిన ఫిర్యాదు మేరకు ఎఫ్‌ఐఆర్ నమోదు చేసిన పోలీసులు ఈ కేసు నిమిత్తం తదుపరి విచారణను చేపట్టనున్నట్లు తెలిపారు.
హసీన్ జహాన్ షమిని పెళ్లి చేసుకోకముందే మరో వ్యక్తిని వివాహం చేసుకొని.. ఆ తర్వాత విడాకులు తీసుకున్నారు. ఆమెకు మొదటి భర్త ద్వారా ఇద్దరు పిల్లలు కూడా ఉన్నారు. ఆమె షమిపై ఆరోపణలు చేస్తూ.. ఓ పాకిస్తాన్ యువతితో ఆయనకు రిలేషన్‌షిప్ ఉందని తెలిపారు. ఆమెను పెళ్లి చేసుకోవడం కోసం తనకు విడాకులు ఇవ్వాలని బలవంతం చేశారని జహాన్ చెప్పారు.
తనతో పెళ్లికి ముందు నుంచే ఆమెతో షమికి సంబంధాలు ఉన్నాయని.. ఆయన ఆ విషయం తనకు ముందుగా చెప్పలేదని ఆమె ఆరోపించారు. ఇప్పుడు ఓ బాలీవుడ్ నటిని పెళ్లి చేసుకోవాలని షమి భావిస్తున్నాడని.. అందుకే తనకు విడాకులు ఇవ్వాలని కోరుతున్నాడని జహాన్ తెలిపారు. ఐపీఎల్ తరఫున కోల్‌కతా నైట్‌రైడర్స్ పాల్గొనే మ్యాచ్‌లప్పుడు జహాన్ చీర్ లీడర్‌గా పనిచేయడం గమనార్హం..!
టీమిండియా ఆటగాడిపై ఎఫ్‌ఐఆర్ నమోదు
