YSRCP MLA Follower Hulchul: విశాఖ జిల్లా పెందుర్తిలో వైసీపీ ఎమ్మెల్యే అన్నంరెడ్డి అదీప్రాజ్ అనుచరుడు మనోహర్ కత్తితో హల్‌చల్ చేశాడు. దారినపోయే ఓ జంటను ఆపి కత్తితో వారిపై బెదిరింపులకు పాల్పడ్డాడు. చంపేస్తానని బెదిరించాడు. ఆ మహిళ పట్ల అసభ్యంగా ప్రవర్తించాడు.బాధితుల ఫిర్యాదుతో పోలీసులు మనోహర్‌పై కేసు నమోదు చేశారు.
పోలీసులు వెల్లడించిన వివరాల ప్రకారం.. పెందుర్తికి చెందిన మౌనిక అనే హోమియో వైద్యురాలు తన భర్త శేషుతో కలిసి శుక్రవారం (ఆగస్టు 12) ఓ శుభకార్యానికి వెళ్లింది. రాత్రి సమయంలో ఇద్దరు కలిసి బైక్‌పై ఇంటికి బయలుదేరారు. మార్గమధ్యలో మనోహర్ (25), కల్యాణ్ (23) మరికొందరు వ్యక్తులు ఆ జంటను తమ వాహనంలో వెంబడించారు. మౌనిక భర్త శేషు.. మనోహార్, అతని స్నేహితులపై మండిపడ్డాడు. దీంతో మరింత రెచ్చిపోయిన ఆ గ్యాంగ్ మౌనిక-శేషును అక్కడి నుంచి కదలనివ్వకుండా బైక్‌ను అడ్డుకున్నారు.
ఈ క్రమంలో ఇరువురి మధ్య తీవ్ర వాగ్వాదం చోటు చేసుకుంది.మనోహర్ కత్తి బయటకు తీసి ఆ జంటను బెదిరించాడు. పొడిచేస్తానంటూ హెచ్చరించాడు. భర్త ముందే మౌనిక పట్ల అసభ్యంగా ప్రవర్తించాడు. ఈ ఘటనపై బాధితులు మౌనిక, శేషు పెందుర్తి పోలీసులకు ఫిర్యాదు చేయడంతో మనోహర్‌పై కేసు నమోదైంది.
నిందితుడు మనోహర్ స్థానిక ఎమ్మెల్యే అదీప్రాజ్ అనుచరుడు కావడం గమనార్హం. ఈ ఘటనపై స్పందించిన ఎమ్మెల్యే అదీప్రాజ్.. ఎక్కడో ఒకచోట తప్పులు జరగడం సహజమేనని అన్నారు. తప్పు ఎవరుచేసినా తప్పేనని.. మనోహర్ చేసిన తప్పును సమర్థించట్లేదని అన్నారు. అయితే ఆ ఘటనకు సంబంధించిన పూర్తి వివరాలు బయటకొస్తే అన్ని విషయాలు తెలుస్తాయని అన్నారు. పోలీసులు మనోహర్‌పై కేసు నమోదు చేసి దర్యాప్తు చేస్తున్నారని తెలిపారు.
Also Read: బంగారం ప్రియులకు షాక్.. వరుసగా మూడో రోజు పెరిగిన పసిడి ధర! హైదరాబాద్‌లో నేటి రేట్లు ఇవే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
