चोराला महागात पडला एकच प्याला, मोठी चूक करून बसला आणि...

इंग्लंड : चोर कितीही चतुर असला तरी एखादी चूक करतोच ज्यामुळे तो कायम गोत्यात येतो आणि पकडला जातो. एका चोरानं तर जाणीवपूर्वक चूक केली आणि त्यामुळे जो घोळ झाला ते पाहून पोलीसही चक्रावले आहेत. त्याच्या चुकीमुळे पोलिसांचं कामही सोपं झालं. 

रेस्टॉरंटमध्ये चोर घुसला. त्याने चोरीसाठी पैशांनी भरलेली मशीन फोडण्याचा प्रयत्न केला. मात्र यामध्ये अपयश आलं. त्यावेळी त्याची नजर दारूवर पडली. दारूचा मोह आवरला नाही आणि तिथेच तो फसला. 

दारूचा मोह आवरला नाही म्हणून चोर चक्क चोरीसाठी रेस्टॉरंटमध्ये घुसला. चोरानं दारू घेतली मात्र ती घेऊन पोबारा करायचा राहिला बाजूला. तो रेस्टॉरंटमध्ये दारू प्यायला बसला. दारूच्या नशेत चोराला काहीच सुचेना. चोर दारू पिऊन रेस्टॉरंटमध्ये बसला. 

या चोराला दारू एवढी चढली की तो तिथेच झोपी गेला. दुसऱ्या दिवशी जेव्हा रेस्टॉरंटचा मालक आला तेव्हा त्याने या चोराला पाहिलं. त्याने रेस्टॉरंटचं दार पुन्हा बंद करून याची माहिती पोलिसांना दिली. 

पोलिसांनी तातडीनं रेस्टॉरंटमध्ये पोहोचून या चोराला अटक केली. या चोराचं सॅमुअल मुलिगन नाव असल्याचं समोर आलं. त्यावेळी त्याच्यावर यापूर्वी दाखल असलेल्या सगळ्या गुन्हांचा पाढा वाचण्यात आला. या चोराला 1 वर्षाचा तुंरुंगवास सोसावा लागणार आहे. 

डेली मेलनं दिलेल्या वृत्तानुसार यूकेमधील इगुआनास रेस्टोरेंटमध्ये हा धक्कादायक प्रकार घडल्याची माहिती मिळाली आहे. सध्या या चोराची सोशल मीडियावर चर्चा होत आहे.