Sneha Dubey: सोशल मीडियावर भारताच्या लेकीचीच चर्चा, पाकिस्तानला दाखवला होता आरसा
नेहमीप्रमाणे इम्रानने काश्मीरचा राग आवळला आणि नेहमीप्रमाणे भारताबद्दल चुकीची विधाने केली.
)
न्यूयॉर्क : सध्या सोशल मीडियावर जर कोणाची चर्चा होत असेल तर ती आहे स्नेहा दुबे. जर तुम्हाला अद्याप स्नेहा दुबे कोण आहे हे माहित नसेल, तर आम्ही तुम्हाला सांगू की संयुक्त राष्ट्र महासभेत स्नेहा भारताची सरचिटणीस आहे.
संयुक्त राष्ट्राच्या महासभेत स्नेहाने इम्रान खानला असे चोख प्रत्युत्तर दिले आहे की लोक तिची स्तुती करताना थकत नाहीयेत. संयुक्त राष्ट्राच्या महासभेत भारताला घेराव घालण्याचा पाकिस्तानचे पंतप्रधान इम्रान खान यांचा प्रयत्न स्नेहाने पूर्णपणे उधळून लावला. एवढेच नाही तर स्नेहाने इम्रानच्या प्रत्येक खोट्या आरोपांचा पर्दाफाश केला आणि स्वत:कडे बघण्याचा सल्लाही दिला.
नेहमीप्रमाणे इम्रानने काश्मीरचा राग आवळला आणि नेहमीप्रमाणे भारताबद्दल चुकीची विधाने केली. आपल्या भाषणात इम्रान यांनी म्हटले आहे की, काश्मीरमधील डेमोग्राफिक चेंज थांबवावा लागेल. इम्रान आपल्या भाषणात असेही म्हणाला की, भारत आपली लष्करी ताकद वाढवत आहे पण पाकिस्तानकडे अण्वस्त्रेही आहेत.
स्नेहा दुबेने उत्तर देण्याच्या अधिकाराचा वापर करत म्हणाली की, इम्रान पाकिस्तानमध्ये घडणाऱ्या कारवायांपासून जगाचे लक्ष हटवण्यासाठी अशा रचलेल्या गोष्टी करत आहे. दहशतवादी त्यांच्या देशात मुक्तपणे फिरतात आणि सामान्य नागरिक, विशेषत: तेथे राहणाऱ्या अल्पसंख्याक समुदायाचे लोक दररोज अत्याचाराला बळी पडतात.
ओसामा बिन लादेन सारख्या दहशतवाद्यांना पाकिस्तान कसे आश्रय देत होते. दहशतवादी संघटनांचे प्रशिक्षण केंद्र बनत आहे, वर्षानुवर्षे त्यांना निधी आणि मदत करत आहे आणि काश्मीरवर बेकायदेशीरपणे कब्जा कसा करत आहे, याची स्नेहाने आठवणही करून दिली.
इम्रान खानची बोलती बंद करणारी ही मुलगी कोण आहे? गोव्यात वाढलेल्या स्नेहाने वयाच्या 12 व्या वर्षी ठरवले होते की तिला नागरी सेवांमध्ये जायचे आहे. प्रवासाची आवड असलेल्या स्नेहाचा असा विश्वास आहे की, आयएफएस बनल्याने तिला देशाचे प्रतिनिधित्व करण्याची उत्तम संधी मिळाली आहे. स्नेहाने 2011 मध्ये पहिल्याच प्रयत्नात नागरी सेवा परीक्षा उत्तीर्ण केली होती.
पुण्याच्या फर्ग्युसन महाविद्यालयातून पदवी घेतल्यानंतर स्नेहाने नवी दिल्लीच्या जवाहरलाल विद्यापीठातून भूगोल विषयात पदव्युत्तर शिक्षण घेतले. आंतरराष्ट्रीय मुद्द्यांमधील त्याच्या स्वारस्यामुळे, तिने जेएनयूमधील स्कूल ऑफ इंटरनॅशनल स्टडीजमध्ये एमफिल पूर्ण केल.