फायझर लसीचा तिसरा डोस, कोरोनाच्या खतरनाक व्हेरिएंटपासून मिळणार संरक्षण
कोरोनाविरुद्धचा (Coronavirus) लढा अधिक तीव्र करण्यात येत आहे. कोविडशिल्ड, कोव्हॅक्सिन या लसीनंतर आता फायझर (Pfizer) लस उपलब्ध होणार आहे.
)
मुंबई : कोरोनाविरुद्धचा (Coronavirus) लढा अधिक तीव्र करण्यात येत आहे. कोविडशिल्ड, कोव्हॅक्सिन या लसीनंतर आता फायझर (Pfizer) लस उपलब्ध होणार आहे. त्यामुळे लवकरच फायझरच्या लसीचा तिसरा डोस देखील दिला जाणार आहे. त्यामुळे कोरोनाच्या धोकादायक व्हेरिएंटपासून संरक्षण मिळू शकणार आहे.
फायझर आपल्या अँटी-कोविड -19 लसीच्या तिसऱ्या डोसच्या तातडीच्या वापरासाठी अमेरिकेच्या खाद्य आणि औषध विभागाच्या परवानगी घेईल. कंपनीने गुरुवारी सांगितले की 12 महिन्यांच्या आत लसीचा आणखी एक डोस घेतल्यास रोग प्रतिकारशक्ती वेगाने वाढते आणि कोरोना विषाणूच्या चिंताजनक स्वरूपाचा सामना करण्यास देखील मदत होऊ शकते. (Pfizer-BioNTech Covid-19 vaccine may require third dose)
Pfizer, BioNTech to seek authorization for the third dose of COVID-19 vaccine. pic.twitter.com/fbw3vIkEkm
— ANI (@ANI) July 9, 2021
विविध देशांमधील अभ्यासांवरून असे दिसून येते की, फायझर आणि इतर मोठ्या प्रमाणात वापरल्या जाणार्‍या अँटी-कोविड -19 लसदेखील कोरोनाच्या अति धोकादायक 'डेल्टा' प्रकारापासून मोठे संरक्षण देते. डेल्टा व्हेरिएंट जगभरात वेगाने पसरत आहे आणि अमेरिकेत संसर्ग होण्याच्या अनेक नवीन घटनांमध्ये हा डेल्टा आढळून येत आहे.
कोरोना विषाणूविरूद्ध बनविलेल्या अॅन्टीबॉडीज कालांतराने कमकुवत होतात, म्हणून बूस्टर डोस (लसचा अतिरिक्त डोस) कधी द्यावा लागेल हे शोधण्यासाठी अभ्यास सुरू आहे. फायझरचे डॉ. मायकेल डॉल्स्टन यांनी असोसिएटेड प्रेसला सांगितले की, अतिरिक्त डोसबद्दल कंपनीने केलेल्या अभ्यासात असे दिसून आले आहे की, तिसरा डोस घेतल्यानंतर लोकांमध्ये रोगप्रतिकारशक्ति (अॅन्टीबॉडीज) पातळी पाच ते दहापट वाढली आहे.
ते म्हणाले, फायझर ऑगस्टमध्ये कोविड-विरोधी लसीच्या तिसर्‍या डोसच्या तातडीच्या वापरासाठी अन्न आणि औषध नियामकांकडून मान्यता घेईल. ब्रिटन आणि इस्त्राईलमधील आकडेवारीवरून असे दिसून येते की फायझरची लस डेल्टा या नवीन प्रकाराविरूद्ध प्रभावी आहे. परंतु जेव्हा अँटीबॉडीची पातळी कमी होते तेव्हा डेल्टा काही प्रमाणात सक्रीय होतो आणि किरकोळ संसर्ग होऊ शकतो.
वांदरबिल्ट युनिव्हर्सिटी मेडिकल सेंटरचे लस तज्ज्ञ डॉ. विल्यम शाफनेनर म्हणाले की, सार्वजनिक आरोग्य अधिकाऱ्यांना याची खरोखर गरज आहे का हे पहावे लागेल, विशेषतः जेव्हा कोट्यवधी लोकांना लसीचा पहिला डोस देखील मिळालेला नाही.