Israel-Hamas Conflict : इस्त्रायल-हमासच्या युद्धात बुलडोजरची गरज काय? असा केला वापर

Israel_Hamas War : हमासच्या हल्ल्यात इस्रायलचे सुमारे 200 लोक मारले गेले आणि प्रत्युत्तर म्हणून इस्रायलनेही हमासच्या सुमारे 300 लोकांना ठार केले. हमासने शनिवारी तेल अवीववर केलेल्या रॉकेट हल्ल्यात इस्रायलचे मोठे नुकसान झाले. तेल अवीवमध्ये अनेक इमारती उद्ध्वस्त झाल्या. शेकडो लोक मरण पावले आणि हजारो जखमी झाले. एवढेच नाही तर हल्ल्यानंतर शेकडो हमासचे सैनिक इस्रायलच्या हद्दीत घुसले.

इस्त्रायली मीडियानुसार, बंदुकधारींनी सडेरोट शहरात पादचाऱ्यांवरही गोळीबार केला. हमासच्या हल्ल्याला प्रत्युत्तर देण्यासोबतच इस्रायल आता मोठी प्रत्युत्तराची कारवाई करत आहे. इस्रायल-हमास युद्धातही बुलडोझर हे प्रमुख शस्त्र म्हणून उदयास आले आणि दोन्ही बाजूंनी त्याचा वापर केला गेला.

बुलडोझर हे घातक शस्त्र

इस्रायलवरील हल्ल्यादरम्यान हमासने सीमा ओलांडण्यासाठी बुलडोझरचा वापर केला, प्रत्युत्तर म्हणून इस्रायलने हमासला बुलडोझर वापरून चोख प्रत्युत्तर दिले. जसं रॉकेटला प्रत्युत्तर देणारा रॉकेट, जसा शिपायाच्या बदल्यात सैनिक आणि आता तसाच बुलडोझरच्या बदल्यात बुलडोझर. जो बुलडोझर हमासने इस्रायलमध्ये घुसवला तोच बुलडोझर हमासच्या विरोधातही गर्जना करत होता.

Israeli bulldozer seen operating demotion of a police station in Sderot where an unknown number of Hamas terrorists are barricaded inside. pic.twitter.com/AYrMvbiwPA

— Israel War Room (@IsraelWarRoom) October 7, 2023

हमासचे अड्डे केले उद्ध्वस्त

इस्रायलने हमासच्या सैनिकांनी आश्रय घेतलेल्या जागा उद्ध्वस्त करण्यासाठी बुलडोझरचा वापर केला. इस्रायलने हमासचे लढवय्ये लपून बसलेले सर्व तळ एक एक करून नष्ट केले. प्रत्यक्षात शनिवारी हमासच्या सैनिकांनी 'ऑपरेशन अल अक्सा फ्लड'च्या माध्यमातून इस्रायलवर रॉकेटचा पाऊस पाडला आणि ज्या वेळी इस्रायलचे लक्ष या रॉकेट हल्ल्यांकडे होते, त्याचवेळी हमासच्या सैनिकांनी इस्रायलच्या सीमेवर बुलडोझर टाकून कहर केला.

#BREAKING A Palestinian bulldozer removing the separation wall on the Gaza Strip border.#Israel #gaza #hammas pic.twitter.com/VvmXY9iHrX

— Abrish Fatima (@syaasihalat00) October 7, 2023

इस्रायलकडून चोख प्रत्युत्तर

बुलडोझरच्या साह्याने लोखंडी भिंत तोडून हमासचे सैनिक इस्रायलमध्ये घुसले आणि त्यानंतर काय झाले याकडे सारे जग पाहत आहे. मात्र, हमासच्या हल्ल्यानंतर लगेचच इस्रायलने या हल्ल्याला प्रत्युत्तर देण्यास सुरुवात केली. इस्रायलने हमासविरोधात 'ऑपरेशन आयर्न स्वॉर्ड्स' सुरू केले आहे. 'ऑपरेशन अल अक्सा फ्लड'च्या माध्यमातून हमासने इस्रायलवर बॉम्बफेक केली तेव्हा इस्रायलने 'ऑपरेशन आयर्न स्वॉर्ड्स' सुरू केले.