आणखी एका देशात दिला जाणार कोरोना लसीचा बुस्टर डोस, भारतात पण दिला जाणार का?

मुंबई : कोरोनाच्या तिसऱ्या लाटेसोबतच जगात अनेक ठिकाणी बुस्टर डोसची (Booster Dose) देखील तयारी केली जात आहे. ब्राझीलचे आरोग्य मंत्री मार्सेलो क्विरोगा यांनी एक मोठी घोषणा केली आहे. ते म्हणाले की 18 वर्षांपेक्षा जास्त वयाच्या सर्व ब्राझिलियनना कोविड-19 (Covid 19) विरूद्ध बूस्टर डोस दिला जाईल. शिन्हुआ वृत्तसंस्थेच्या अहवालानुसार, 18 वर्षांपेक्षा जास्त वयाच्या लोकांनाच बूस्टर डोस दिला जाईल ज्यांना पाच महिन्यांपूर्वी कोविड-19 चा दुसरा डोस मिळाला आहे. (Brazil to offer COVID-19 booster shot to everyone older than 18)

आरोग्य मंत्रालयाच्या आकडेवारीनुसार, 12.4 दशलक्षाहून अधिक ब्राझिलियन बूस्टर डोससाठी पात्र आहेत. घोषणेपूर्वी केवळ 60 वर्षांपेक्षा जास्त वयाचे लोक, कमकुवत रोगप्रतिकारक शक्ती असलेले लोक आणि आरोग्य कर्मचारी यांनाच बूस्टर डोस मिळणार होता.

देशाच्या आरोग्य मंत्रालयाने सांगितले की, देशात साथीच्या आजाराच्या सुरुवातीपासून आतापर्यंत कोविड-19 चे एकूण 2 कोटी, 19 लाख, 65 हजार, 684 (21965684) रुग्ण आढळले आहेत आणि 6 लाख, 11 हजार, 478 (611478) मृत्यू झाले आहेत...

पुढील महिन्यात जपानमध्ये बूस्टर डोस देण्याची तयारी सुरू आहे.

जगभरात कोरोना विषाणूविरुद्ध युद्ध लढले जात असून, त्याअंतर्गत लसीकरण मोहीम राबविली जात आहे. यामुळेच अनेक देशांनी कोरोना विषाणूविरूद्ध बूस्टर डोस देण्यास सुरुवात केली आहे. ज्यामध्ये जपान पुढील महिन्यापासून म्हणजेच 1 डिसेंबरपासून लोकांना बूस्टर डोस देण्यास सुरुवात करेल. आरोग्य मंत्रालयाच्या एका पॅनेलने सोमवारी देशात 1 डिसेंबरपासून कोविड-19 लसीकरणाच्या बूस्टर लसीला मान्यता दिली, ज्यामध्ये सुरुवातीला फक्त Pfizer-BioNtech COVID-19 लसीचे बूस्टर डोस दिले जातील. आरोग्य मंत्रालयाचे पॅनेल सांगते की ज्या लोकांनी दुसरा डोस घेतला आहे त्यांना आठ महिन्यांनंतर बूस्टर डोस दिला जाईल.

जगभरातील 36 देशांमध्ये कोविड-19 लसीचे बूस्टर डोस दिले जात आहेत. जी सर्वप्रथम जर्मनी, ऑस्ट्रेलिया, कॅनडा आणि फ्रान्समध्ये सुरू झाली.