सॅमसंगचा Fold- Flip स्मार्टफोन लवकरच येतोय, जाणून घ्या स्पेसिफिकेशन्स
सॅमसंग पुन्हा आपल्या युजर्ससाठी नवीन Galaxy Z Fold 4 आणि Galaxy Z Flip 4 बाजारात आणण्यासाठी सज्ज आहे.
)
Samsung Galaxy Unpacked August 2022: सॅमसंगचे गॅलेक्सी फोल्ड आणि फ्लिप फोन बाजारात येताच त्याची मागणी वाढली होती. आता सॅमसंग पुन्हा आपल्या युजर्ससाठी नवीन Galaxy Z Fold 4 आणि Galaxy Z Flip 4 बाजारात आणण्यासाठी सज्ज आहे. कंपनीने बुधवारी अधिकृतपणे घोषणा केली आहे. कंपनीने त्याच्या आगामी Samsung Galaxy Z Fold 4, Samsung Galaxy Z Flip 4 बद्दल एक टीझर देखील जारी केला आहे, ज्यामध्ये लाँच तारखेसह फोनचा लुक देखील समोर आला आहे.भारतात 10 ऑगस्ट रोजी संध्याकाळी 6:30 वाजता लाँचिंग कार्यक्रम आयोजित करेल.
डिव्हाइसच्या पुढील बाजूस क्लॅमशेल डिस्प्ले आहे, तर मागील बाजूस ड्युअल रियर कॅमेरा सेटअपच्या बाजूला एक लहान बाह्य डिस्प्ले आहे. यात तळाशी एक यूएसबी टाइप सी पोर्ट आहे, ज्यामध्ये स्पीकर ग्रिल आणि मायक्रोफोन आहे. या स्मार्टफोन्सच्या लीकनुसार, हँडसेटमध्ये FHD+ रिझोल्यूशनसह 6.7-इंचाचा AMOLED प्राथमिक डिस्प्ले असण्याची अपेक्षा आहे. दुसरीकडे, बाह्य पॅनेल 2.1-इंच स्क्रीन आहे, जी मागील फोनच्या 1.9-इंच स्क्रीनपेक्षा मोठी आहे.
August 10, 2022 > Today
Watch something greater than before at https://t.co/v5jgqfwJLI.
Galaxy Unpacked. #SamsungUnpacked #Samsung pic.twitter.com/t1WnhtAi61— Samsung India (@SamsungIndia) July 20, 2022
Samsung Galaxy Z Flip 4 मध्ये Qualcomm Snapdragon 8+ Gen 1 SoC असण्याची अपेक्षा आहे आणि 25W जलद चार्जिंगला समर्थन देणारा 3,700mAh बॅटरी पॅक असेल. इतर वैशिष्ट्यांमध्ये मागील बाजूस 12-मेगापिक्सेल ड्युअल कॅमेरा सेटअप, 8GB पर्यंत रॅम आणि 256GB अंतर्गत स्टोरेज समाविष्ट आहे. हे मॉडेल 10 ऑगस्ट रोजी गॅलेक्सी अनपॅक्ड इव्हेंट दरम्यान Galaxy Z Fold 4 सोबत लाँच केले जाईल.