मारुति अल्टोच्या बेस व्हेरियंटमध्ये आहेत ही वैशिष्ट्ये, किंमत फक्त 3.39 लाख रुपये

Maruti Alto Base Variant Price, Features & Specifications: मारुती सुझुकी अल्टो ही 5 सीटर हॅचबॅक कार आहे. ज्यांना कमी किमतीत कार खरेदी करायची आहे आणि प्रवास सोपा करायचा आहे त्यांच्यासाठी हे डिझाइन करण्यात आले आहे. हे पेट्रोल तसेच सीएनजी इंजिनमध्ये उपलब्ध आहे. याचे एकूण 5 प्रकार आहेत. मारुती सुझुकी अल्टोचे बेस व्हेरियंट ALTO STD (O) असून त्याची किंमत 3.39 लाख रुपये आहे. यानंतर, ALTO LXI(O) ची किंमत 4.08 लाख रुपये, ALTO VXI ची किंमत 4.28 लाख रुपये, ALTO VXI Plus ची किंमत 4.41 लाख रुपये आणि ALTO LXI (O) CNG ची किंमत 5.03 लाख रुपये आहे. . ALTO LXI (O) CNG हे त्याचे टॉप व्हेरियंट आहे. पण, आज आम्ही तुम्हाला अल्टोच्या बेस व्हेरियंटच्या वैशिष्ट्यांबद्दल सांगणार आहोत.

मारुति अल्टो बेस व्हेरियंट- Alto STD (O)

मारुति अल्टोच्या बेस व्हेरियंटमध्ये 796 सीसी F8D, 3 सिलेंडर इंजिन बाकीच्या व्हेरियंटप्रमाणेच आहे. हे फक्त एका इंजिन पर्यायासह येते. तथापि, टॉप व्हेरियंटमध्ये सीएनजी किट उपलब्ध आहे. पण, बेस व्हेरियंटमध्ये ते उपलब्ध नाही. बेस व्हेरिएंटचे पेट्रोल इंजिन 47.33bhp@6000rpm पॉवर आणि 69Nm@3500rpm टॉर्क जनरेट करण्यास सक्षम आहे. यात 5 स्पीड मॅन्युअल ट्रान्समिशन मिळते. हे 22.05 किमीपर्यंत मायलेज देऊ शकते.

यात दोन एअरबॅग, रिव्हर्स पार्किंग सेन्सर, EBD सह ABS, सीट बेल्ट रिमाइंडर आणि स्पीड अलर्ट सिस्टीम यांसारखी वैशिष्ट्ये आहेत. यात पॉवर विंडो, पॉवर स्टिअरिंग आणि टच स्क्रीन मिळत नाही. ही गाडी सहा रंगांमध्ये उपलब्ध आहे. सिल्की सिल्व्हर, ग्रेनाइट ग्रे, मोजिटो ग्रीन, सेरुलियन ब्लू, सॉलिड व्हाइट आणि अपटाउन रेड अशा रंगात उपलब्ध आहे. देशातील टॉप-10 सर्वाधिक विक्री होणाऱ्या कारमध्ये अल्टोचे नाव समाविष्ट आहे. या यादीत अल्टो सहाव्या क्रमांकावर आहे. जून 2022 मध्ये एकूण 13,790 युनिट्सची विक्री झाली आहे.