iPhone 13च्या लाँचनंतर iPhone 11 ची किंमत घसरली, काय आहे नवीन किंमत? जाणून घ्या

मुंबई : आयफोन 13 सीरीज (iPhone 13 Series) लॉन्च झाल्यावर, लगेच आयफोन 11 आणि आयफोन 12 सीरिजच्या किंमती भारतात मोठ्या प्रमाणात कमी झाल्या आहेत. आयफोन 12 सीरिज आता 65 हजार 900 रुपयांपासून सुरू होते, तर आयफोन 11 लाँच झाल्यानंतर प्रथमच अधिकृतपणे 50 हजार रुपयांपेक्षा कमी किंमत ठरवण्यात आली आहे. विशेष म्हणजे, आयफोन 12, आयफोन 12 mini आणि आयफोन 11 च्या सर्व प्रकारांची किंमत बदलण्यात आली आहे.

आता भारतात iPhone 11 च्या 64GB व्हेरिएंटची किंमत 49 हजार 900 रुपये आणि आयफोनच्या 128GB व्हेरिएंटची किंमत 54 हजार 900 रुपये आहे. आयफोन 11 भारतात 2019 मध्ये 68 हजार 500 रुपयांना लॉन्च झाला होता. म्हणून जर तुमच्याकडे जुना आयफोन असेल, तर तुम्ही तुमच्या जुन्या आयफोनचे ट्रेड-इन करू शकता आणि नवीन आयफोन 11 तुम्ही 38 हजार 400 रुपयांना खरेदी करू शकता.

तसेच, जर तुमच्याकडे एचडीएफसी बँक कार्ड असेल, तर तुम्ही आयफोनवर अधिक सूट मिळवू शकता. विशेष म्हणजे, अॅमेझॉनच्या तुलनेत अधिकृत वेबसाइटवर आयफोन 11 ची किंमत कमी आहे.

आयफोन 11 खरेदी करणे हा एक चांगला करार आहे

दोन वर्ष जुने उपकरण असूनही, आयफोन 11 अजूनही 49 हजार 900 रुपयांना चांगली खरेदी आहे. आयफोन 11 मध्ये 6.1-इंच लिक्विड रेटिना एचडी डिस्प्ले आहे, ज्याच्या कोपऱ्यांवर पातळ बेजल्स आहेत. आयफोन 11 ला पॉवर देण्यासाठी A13 बायोनिक चिपसेट आहे, जो अजूनही बहुतेक Android स्मार्टफोनपेक्षा वेगवान आहे.

आयफोन 11 कॅमेरा

आयफोन 11 चे रिझोल्यूशन 1792 x 828 पिक्सेल आहे. कॅमेराबद्दल बोलायचे झाले, तर यात ड्युअल 12-मेगापिक्सल कॅमेरा सेन्सर आहेत. समोर 12 मेगापिक्सेल कॅमेरा सेन्सर देखील आहे. फोन तीन वेगवेगळ्या स्टोरेज प्रकारांमध्ये येतो. जर तुम्ही 50 हजार रुपयांच्या आतील आयफोन शोधत असाल, तर आयफोन 11 हा एक चांगला पर्याय आहे. हा स्मार्टफोन हिरव्या आणि जांभळ्यासह पेस्टल रंगांमध्ये उपलब्ध आहे. हा फोन पांढरा, लाल आणि काळा अशा तीन रंगांमध्ये उपलब्ध आहे.

भारतात आयफोन 12 च्या नवीन किंमती

केवळ आयफोन 11 नाही, आयफोन 13 लाँच झाल्यानंतर आयफोन 12 आणि आयफोन 12 मिनीच्या किंमतीतही कमी झाल्या आहेत. आयफोन 12  64 जीबी फोन आता 65 हजार 900 रुपयांपासून सुरू होते. हा फोन 79 हजार 900 रुपयांना लाँच झाला होता. 

आयफोन 12 128 जीबीच्या किंमतीतही कपात करण्यात आली आहे. हा फोन आता 70 हजार 900 रुपयांना विकला जात आहे. हे मॉडेल पूर्वी 84 हजार 900 रुपयांना विकले जात होते. डिव्हाइसच्या 256GB च्या किंमतीतही कपात करण्यात आली आहे. आता तुम्हाला iPhone 12 चा 256GB मॉडेल 80 हजार 900 रुपयांना मिळू शकेल.