5G मुळे मोबाइल डेटा लवकर संपतो? 'या' सेटिंग्स करा, पाहा टिप्स

5G Network : भारतात 1 ऑक्टोबरपासून 5G सेवा सुरू करण्यात आली आहे. एअरटेल 5G ने सर्वप्रथम देशातील 8 शहरांमध्ये 5G सेवा सुरू केली आहे. त्याच वेळी रिलायन्स जिओने दसऱ्यापासून देशातील चार शहरांमध्ये 5G सेवेची बीटा चाचणी सुरू केली आहे. Jio 5G बीटा चाचणी सेवा दिल्ली, मुंबई, कोलकाता आणि वाराणसी येथील ग्राहकांसाठी उपलब्ध झाली आहे.

पण 5G नेटवर्कमुळे स्मार्टफोनचा डेटा झटपट संपत आहे, अशी तक्रार स्मार्टफोन users करत आहेत. याचे कारण तुमच्या स्मार्टफोनची काही सेटिंग देखील असू शकते. जर तुम्ही या सेटिंग्ज चालू ठेवल्या असतील तर डेटा लवकर संपेल.

ऑनलाइन व्हिडिओ पाहण्यासाठी खूप डेटा खर्च होतो

अशीच एक सेटिंग YouTube वरील व्हिडिओ गुणवत्ता आहे. तसेच बहुतेक लोकांच्या फोनमध्ये व्हिडिओ गुणवत्तेची सेटिंग ऑटोवर असते. म्हणजेच, तुमच्या डिव्हाइसवरील नेटवर्कच्या ताकदीनुसार, तुम्हाला व्हिडिओ दिसेल.

तुमच्या फोनवर स्लो इंटरनेट असल्याल व्हिडिओ कमी गुणवत्तेत प्ले होतो. जर चांगले इंटरनेट असेल तर व्हिडिओ उच्च गुणवत्तेत प्ले होतो. 5G वर चांगले नेटवर्क उपलब्ध असल्याने आणि वेग देखील खूप जलद येतो. म्हणूनच व्हिडिओ उच्च गुणवत्तेत प्ले होतात.

यामुळे, तुमचा डेटा जलद संपतो. इन्स्टाग्राम रील्सच्या बाबतीतही असेच आहे. कमी इंटरनेट कनेक्शनवर रील्स कमी लोड होतात, तर त्यांची गुणवत्ता आणि लोडिंग देखील चांगल्या कनेक्शनसह वाढते.

5G वर अधिक डेटा का खर्च केला जातो ?

तुम्हाला 5G वर चांगले इंटरनेट कनेक्शन मिळते. त्यामुळे तुम्ही पूर्वीपेक्षा जास्त मीडिया वापरता. ओपन सिग्नलने 2020 मध्ये याबाबतचा अहवालही प्रसिद्ध केला होता. त्यानुसार, 5G च्या आगमनाने वापरकर्त्यांचा डेटा वापर 2.7 पटीने वाढला आहे. म्हणजेच 5G नेटवर्कवर जास्त डेटा खर्च केला जाईल.

दुसरी गोष्ट म्हणजे नेटवर्क 5G असो वा 4G आणि 3G, एखादे अॅप डाउनलोड करताना तेवढाच डेटा खर्च होतो. या सर्वांशिवाय बॅकग्राउंडमध्ये चालणाऱ्या अॅप्समुळे तुमचा डेटाही जलद संपतो. 

अँड्रॉइड फोनमध्ये मोबाइल डेटा सेव्ह करा

फोन Wi-Fi शी कनेक्ट करा. तुमच्या Android डिव्हाइसवर डेटा सेव्ह करण्याचा सर्वात सोपा मार्ग म्हणजे डिव्हाइसला Wi-Fi शी कनेक्ट करणे. शक्य असेल तिथे फोनला वाय-फायशी कनेक्ट करा. विशेषत: जेव्हा तुम्ही व्हिडिओ स्ट्रीम करणे किंवा अॅप्स अपडेट करणे हे काम करत असाल तेव्हा हे काम करा. यामुळे मोबाईल डेटा कमी वापरला जातो.
 

वाचा : तुम्हाला सकाळी उठल्यावर सुस्ती येते का? मग दिवसभर उत्साही राहण्याचे 'हे' उपाय

फोनसाठी डेटा मर्यादा सेट करा

सर्वप्रथम, Android फोनच्या सेटिंग्जवर जा. नंतर कनेक्शन वर टॅप करा आणि नंतर डेटा वापर वर टॅप करा. यानंतर, मोबाईल डेटा वापरावर जा आणि नंतर वरच्या उजव्या कोपर्यात दिलेल्या गिअर चिन्हावर टॅप करा. त्यानंतर सेट डेटा चालू करा. नंतर डेटा वॉर्निंग वर जा आणि डेटा लिमिट सेट करा. तुम्ही सेट केलेली मर्यादा संपल्यानंतर फोनमधील डेटा काम करणे बंद करेल.

डेटा सेव्हर मोड चालू करा

यासाठी तुम्हाला अँड्रॉइड फोनच्या सेटिंग्जमध्ये जावे लागेल. मग कनेक्शन वर जाऊन डेटा वापरावर टॅप करा. नंतर डेटा सेव्हर वर टॅप करा. त्यानंतर ते चालू करा.