T20 World Cup मधून संघ बाहेर झाल्याने या दिग्गज क्रिकेटरकडून निवृत्तीची घोषणा

अबुधाबी : वेस्ट इंडिजचा स्टार अष्टपैलू खेळाडू ड्वेन ब्राव्होने आयसीसी टी-20 विश्वचषक 2021 च्या मध्यावर आंतरराष्ट्रीय क्रिकेटमधून निवृत्तीची घोषणा केली आहे. 4 नोव्हेंबर रोजी सुपर-12 टप्प्यातील पराभवानंतर ब्राव्होने आपल्या कारकिर्दीबाबत महत्त्वपूर्ण निर्णय घेतला.

पराभवानंतर ब्राव्होची निवृत्ती

38 वर्षीय ड्वेन ब्राव्होने याआधी निवृत्ती घेतली होती पण 2019 मध्ये पुन्हा आंतरराष्ट्रीय क्रिकेटमध्ये परतला. सध्याच्या T20 विश्वचषकातील कॅरेबियन संघाचा तो महत्त्वाचा भाग आहे. गुरुवारी श्रीलंकेविरुद्धच्या पराभवामुळे वेस्ट इंडिजचा संघ उपांत्य फेरीच्या शर्यतीतून बाहेर पडला होता, त्यामुळे ब्राव्होचे मन दु:खी झाले होते.

श्रीलंकेकडून वेस्ट इंडिजचा पराभव

सुपर 12 टप्प्यातील या सामन्यात श्रीलंकेने वेस्ट इंडिजचा 20 धावांनी पराभव केला. कॅरेबियन संघाचा 4 सामन्यांमधील हा तिसरा पराभव होता आणि संघाला आता 6 नोव्हेंबर रोजी ऑस्ट्रेलियाविरुद्ध खेळायचे आहे जो ब्राव्होचा शेवटचा आंतरराष्ट्रीय सामना असेल.

17 वर्षांची कारकीर्द

जवळपास 17 वर्षे आंतरराष्ट्रीय क्रिकेट खेळणारा ब्राव्हो म्हणाला, 'मला वाटते आता वेळ आली आहे. माझी कारकीर्द खूप चांगली झाली आहे. 18 वर्षे वेस्ट इंडिजचे प्रतिनिधित्व करताना अनेक चढ-उतार आले आहेत, परंतु जेव्हा मी मागे वळून पाहतो तेव्हा मी त्या क्षेत्राचे आणि कॅरिबियन लोकांचे इतके दिवस प्रतिनिधित्व केल्याबद्दल खूप आभारी आहे.

भावनिक झाला ब्राव्हो

श्रीलंकेच्या सामन्यानंतर ड्वेन ब्राव्हो म्हणाला, 'तीन आयसीसी विजेतेपद जिंकल्याचा मला खूप अभिमान आहे. यापैकी दोन डावीकडे उभ्या असलेल्या माझ्या कर्णधाराच्या (डॅरेन सॅमी) नेतृत्वाखाली मी जिंकले आहे. मला अभिमान आहे की आम्ही अशा क्रिकेटपटूंच्या युगाचा भाग होतो जे जागतिक मंचावर स्वतःचे नाव कमावू शकले.

कॅरेबियन भूमीवर शेवटचा सामना

यापूर्वी, पाकिस्तानविरुद्धच्या घरच्या मालिकेदरम्यान वेस्ट इंडिजचा कर्णधार किरॉन पोलार्ड म्हणाला होता की ड्वेन ब्राव्हो कॅरेबियन भूमीवर शेवटचा टी-20 आंतरराष्ट्रीय सामना खेळत आहे.

ब्राव्हो सातही विश्वचषक खेळला

ड्वेन ब्राव्होने सर्व 7 टी20 विश्वचषकांमध्ये खेळला आहे आणि 2012 आणि 2016 मध्ये वेस्ट इंडिजला चॅम्पियन बनण्यास मदत केली आहे. त्याने 90 T20 आंतरराष्ट्रीय सामन्यांमध्ये 1245 धावा केल्या आणि आपल्या संघासाठी 78 बळी घेतले.

2004 मध्ये पदार्पण

2004 मध्ये आंतरराष्ट्रीय क्रिकेटमध्ये पदार्पण करणाऱ्या ड्वेन ब्राव्होने 40 कसोटी सामन्यांमध्ये 31.42 च्या सरासरीने 2200 धावा केल्या आहेत आणि 86 विकेट्सही घेतल्या आहेत, त्याच्या नावावर 164 एकदिवसीय सामन्यांमध्ये 199 विकेट आणि 2968 धावा आहेत. ब्राव्होने मात्र टी-20 विश्वचषकात आपल्या संघाची कामगिरी चांगली नसल्याची कबुली दिली.

युवा खेळाडूंना पाठिंबा

युवा खेळाडूंना पाठिंबा देत ड्वेन ब्राव्हो म्हणाला, 'मी आता युवा खेळाडूंसोबत माझा अनुभव शेअर करण्याचा प्रयत्न करेन. मला वाटते की पांढऱ्या चेंडूच्या फॉर्मेटमध्ये वेस्ट इंडिज क्रिकेटचे भवितव्य उज्ज्वल आहे आणि आमच्यासाठी खेळाडूंना पाठिंबा देणे आणि प्रोत्साहन देणे महत्त्वाचे आहे.

वेस्ट इंडिज या स्पर्धेत फ्लॉप

आयपीएलमध्ये एमएस धोनीच्या चेन्नई सुपर किंग्ज संघाकडून खेळणारा ड्वेन ब्राव्हो म्हणाला, 'हा विश्वचषक आम्हाला अपेक्षित नव्हता. यावर आपण निराश होऊ नये, ही चुरशीची स्पर्धा होती.