Sydney Test: ऋषभ पंतच्या झंझावाती अर्धशतकाच्या जोरावर भारताने मिळवली 145 धावांची आघाडी

Ind vs Aus 5th Test: भारत आणि ऑस्ट्रेलिया (IND vs AUS) यांच्यातील पाच सामन्यांच्या कसोटी मालिकेतील पाचवा आणि शेवटचा सामना सिडनी क्रिकेट मैदानावर (Sydney Test) खेळवला जात आहे. भारतीय संघाच्या पहिल्या डावात केलेल्या 185 धावांना प्रत्युत्तर देताना ऑस्ट्रेलियन संघ दुसऱ्या दिवशी म्हणजेच शनिवारी पहिल्या डावात 181 धावांवरच मर्यादित राहिला. अशा प्रकारे भारताला पहिल्या डावात चार धावांची आघाडी मिळाली.

कसा रंगला सामना? 

दुसऱ्या दिवसाचा खेळ संपेपर्यंत भारताने 6 गडी गमावत 141 धावा केल्या होत्या. भारताला दुसऱ्या डावात आतापर्यंत 145 धावांची आघाडी मिळाली आहे. यष्टीमागे रवींद्र जडेजा 39 चेंडूत एका चौकाराच्या मदतीने आठ धावा करून नाबाद आहे आणि वॉशिंग्टन सुंदर 17 चेंडूत सहा धावा करून नाबाद आहे.

हे ही वाचा: हिटमॅन निवृत्ती घेणार? रोहित शर्माने स्वतःच केलं स्पष्ट, म्हणाला..."काय निर्णय घ्यायचा..."

टीम इंडियाची आक्रमक खेळी 

टीम इंडियासाठी आक्रमक खेळ करताना ऋषभ पंतने 33 चेंडूंत सहा चौकार आणि चार षटकारांच्या मदतीने 61 धावांचे दुसरे जलद अर्धशतक झळकावले. त्यांच्याशिवाय यशस्वी जैस्वालने 22 आणि केएल राहुल आणि शुभमन गिलने 13-13 धावा केल्या तर विराट कोहली सहा धावा करून बाद झाला.

Scott Boland's rollicking four-wicket haul led the way for the Aussies in the final session #WTC25 | #AUSvIND : https://t.co/1KJY1lbyzR pic.twitter.com/06r2GrvQeB

— ICC (@ICC) January 4, 2025

हे ही वाचा: सिडनी कसोटीदरम्यान टीम इंडियाला मोठा धक्का, बुमराह चालू सामन्यातच स्टेडियमबाहेर

ऑस्ट्रेलियाचा खेळ 

31 वर्षीय ब्यू वेबस्टरने ऑस्ट्रेलियाकडून पदार्पण कसोटी खेळताना सर्वाधिक 57 धावांची खेळी खेळली. त्यांच्याशिवाय स्टीव्ह स्मिथने 33, सॅम कॉन्टासने 23 आणि ॲलेक्स कॅरीने 21 धावा केल्या. भारताकडून प्रसिध कृष्णा आणि मोहम्मद सिराजने ३-३ तर जसप्रीत बुमराह आणि नितीश कुमार रेड्डी यांनी २-२ बळी घेतले. पाच सामन्यांच्या मालिकेत ऑस्ट्रेलिया २-१ ने आघाडीवर आहे. या कसोटीत विजय मिळवून मालिकेत २-२ अशी बरोबरी साधण्याकडे टीम इंडियाचे लक्ष असेल.