आजचे राशीभविष्य | सोमवार | १ जुलै २०१९

मेष - आज कोणतंही काम टाळू नका. नोकरी किंवा व्यापारात जे लक्ष्य निर्धारित केलं आहे त्यावर लक्ष केंद्रीत करा. एकाग्रतेने काम करण्याचा प्रयत्न करा. नव्या व्यक्तींना भेटण्याची संधी मिळेल. कुटुंबातील काही सदस्यांसोबत चांगला वेळ व्यतीत कराल. मन आणि बुद्धीवर नियंत्रण ठेवण्याचा प्रयत्न करा. 

वृषभ- नवी संधी मिळेल. तुमच्या योजनांना समर्थन मिळेल. व्यापारात पूर्णपणे यशस्वी व्हाल. नव्या व्यक्तींशी भेट घडेल. नशिबाची साथ असेल. सकारात्मक राहा. 

मिथुन- नोकरी, व्यापाराता नवे प्रस्ताव मिळतील. विचाराधीन कामं पूर्णत्वास जातील. नव्या कामांची सुरुवात कराल. हळूहळू तुम्हाला यश मिळेल. रेंगाळलेली कामंही मार्गी लागतील. कामावर लक्ष द्या. 

कर्क- जुन्या कामांचा फायद होईल. जुन्या मित्रांची अचानक मदत होईल. धार्मिक यात्रेवर जाण्याचा योग आहे. दिवस शांततेत व्यतीत होईल. आज तुम्हाला बरीच मेहनत घ्यावी लागेल. प्रयत्न करत राहा, साथीदाराचं सहकार्य मिळेल. 

सिंह - बुद्धिचातुर्याने सारंकाही सांभाळून नेण्याची चिन्हं आहेत. नोकरीसापेक्ष लोकांना सहकाराऱ्यांची साथ मिळेल. पुढे जाण्याची चिन्हं आहेत. इतरांच्या काही अडचणींवर तोडगा काढून देण्यासाठी तुमची मदत होणार आहे. 

कन्या - ज्या व्यक्तींसोबत संवाद साधाल त्यांच्यासोबत तुमचं एकमत असेल. कुटुंबासमोर तुमचे निर्णय अधिक स्पष्टपणे मांडाल. लग्नाचे प्रस्ताव येऊ शकतात. व्यापारात काही महत्त्वाचे बदल घडवून आणण्याचीही इच्छा होईल. 

तुळ- व्यस्त असाल. शांततेने काम करा. इतरांचं म्हणणं तितक्याच गांभीर्याने ऐका. इतर व्यक्ती तुमचं लक्ष वेधण्याचा प्रयत्न करतील. कागदोपत्री व्यवहारावर लक्ष ठेवा. जबाबदारी वाढेल. 

वृश्चिक- कोणा एका गुंतागुंतीच्या प्रकरणावर तोडगा काढाल. ज्यामध्ये बऱ्याच अंशी यशस्वीसुद्धा ठराल. जुन्या गोष्टीविसरुन पुढे जा. एखादा असा प्रसंग समोर येईल जो पाहता तुमची विचारसरणीच बदलेल. नोकरीच्या ठिकाणी मोठं यश तुमच्या वाट्याला येईल .

धनू- कोणा एका खास मित्राची मदत मिळेल. महत्त्वाच्या मुद्द्यांवर चर्चा होईल. याचा पुरेपूर फायदा घ्या. दैनंदिन जीवनशैलीत काही महत्त्वाचे बदल कराल. मित्रांसोबत जास्तीत जास्त वेळ व्यतीत कराल. साथीदाराला पूर्ण वेळ द्या. 

मकर- दिवस चांगला आहे. जास्तीत जास्त कामं पूर्णत्वास न्याल. आर्थिक परिस्थिती लक्षात घ्या. अडचणीच्या प्रसंगात इतरांची मदत घ्या. कोणतंही काम विचारपूर्वकपणेच करा. काही कारणास्तव जुन्या आठवणींमध्ये रमाल. 

कुंभ- एखाद्या महत्त्वाच्या व्यक्तीशी भेट होईल. वरिष्ठ अधिकाऱ्यांशीही भेट घडेल. विचारपूर्वक काम करा. कामाप्रती असणारी एकाग्रता खंडित होऊन देऊ नका. नोकरीच्या ठिकाणी एखादं नवं काम तुम्हाला दिलं जाऊ शकतं. स्वत:ला तयार ठेवा. प्रवासयोग आहे, जुने वाद मिटतील. 

मीन- जास्तीत जास्त कामं पूर्णत्वास जाऊन त्याचा तुम्हाला फायदाच होईल. मित्रांसोबत काही बेत आखाल. व्यापारात चांगल्या संधी मिळतील. काही प्रकरणांमध्ये अनुभवी व्यक्तींचा सल्ला जरुर घ्या. आज एखादी खास गोष्ट कानांवर येईल.