वडिलांमागोमाग मुलं गाजवतायेत मैदान, पाहा क्रिकेट विश्वातील बाप-लेकांच्या जोड्या

क्रिकेट विश्वात वडिलांच्या पावलावर मुलाचे पाऊल पडताना दिसत आहे. त्यांची मुलं मैदान गाजवत आहेत.

| Apr 20, 2023, 13:00 PM IST

मैदान आम्हीच राखणार! असंच काहीसे चित्र पाहायला मिळत आहे. क्रिकेट विश्वातील बाप-लेकाच्या धडाकेबाज जोड्या आपल्याला बघायला मिळत आहेत. मास्टर ब्लास्टर सचिन तेंडुलकर आणि अर्जुन तेंडुलकर ही बाप-लेकांची जोडी आता आयपीएल क्रिकेटमध्ये चमकणारी पहिली जोडी नाही. सचिन आणि अर्जुन तेंडुलकरपासून रॉजर आणि स्टुअर्ट बिन्नीपर्यंत क्रिकेटमधील काही प्रसिद्ध बाप-लेकाच्या धडाकेबाज जोड्या पाहा.

1/5

केविन कुरन आणि सॅम कुरन

केविन कुरन आणि सॅम कुरन

झिम्बाब्वेचा माजी अष्टपैलू खेळाडू केविन कुरन याने आपल्या देशाकडून खेळताना 11 एकदिवसीय सामने खेळले. त्याचा मुलगा सॅम कुरन हा आयपीएलच्या इतिहासातील सर्वात महागडा खेळाडू आहे. त्याला पंजाब किंग्जने 18.5 कोटी रुपयांना खरेदी केले आहे. सॅम कुरन याने आतापर्यंत इंग्लंडकडून 24 कसोटी, 23 एकदिवसीय आणि 38 टी-20 सामने खेळले आहेत. (Source: Twitter)

2/5

रॉजर बिन्नी आणि स्टुअर्ट बिन्नी

रॉजर बिन्नी आणि स्टुअर्ट बिन्नी

टीम इंडियाचे माजी अष्टपैलू खेळाडू आणि सध्याचे BCCI अध्यक्ष रॉजर बिन्नी यांनी 27 कसोटी आणि 72 एकदिवसीय सामने खेळले आणि 1983 च्या विश्वचषक विजेत्या संघाचा ते एक भाग होते. त्यांचा मुलगा स्टुअर्ट बिन्नी 95 आयपीएल खेळांव्यतिरिक्त 6 कसोटी, 14 एकदिवसीय आणि 3 T20I सामने खेळला आहे. (Source: Twitter)

3/5

ख्रिस ब्रॉड आणि स्टुअर्ट ब्रॉड

ख्रिस ब्रॉड आणि स्टुअर्ट ब्रॉड

इंग्लंडचा माजी फलंदाज ख्रिस ब्रॉड याने 25 कसोटी आणि 34 एकदिवसीय सामने खेळले आहेत तर त्याचा मुलगा आणि वेगवान गोलंदाज स्टुअर्ट ब्रॉड हा इंग्लंडकडून खेळताना 161 कसोटी, 121 एकदिवसीय आणि 56 टी-20 सामने खेळले आहेत. ख्रिस ब्रॉड आता आयसीसीचा सामनाधिकारी आहे तर स्टुअर्ट ब्रॉड याच्या नावावर 576  कसोटी सामने आहेत. (Source: Twitter)

4/5

सुनील गावस्कर आणि रोहन गावस्कर

सुनील गावस्कर आणि  रोहन गावस्कर

मास्टर ब्लास्टर आणि टीम इंडियाचा माजी सलामीवीर सुनील गावस्कर यांनी कसोटी क्रिकेटमध्ये 10,000 धावाचा टप्पा पूर्ण केला आहेत. त्यांचा मुलगा रोहन गावस्कर भारताकडून 11 एकदिवसीय सामने आणि 2 आयपीएल सामने खेळला. हे दोघेही आता क्रीडा समालोचक म्हणून काम करत आहेत. (Source: Twitter)

5/5

सचिन तेंडुलकर आणि अर्जुन तेंडुलकर

सचिन तेंडुलकर आणि अर्जुन तेंडुलकर

क्रिकेटचा देव म्हणून ओळखला जाणारा टीम इंडियाचा माजी खेळाडू सचिन तेंडुलकर याने 100 शतकांसह 34,000 आंतरराष्ट्रीय क्रिकेटमध्ये धावा केल्या आहेत. सचिन याचा मुलगा अर्जुन तेंडुलकर यानेही क्रिकेटमध्ये करिअरला सुरुवात केली आहे. आयपीएल 2023 मध्ये मुंबई इंडियन्सकडून खेळताना आयपीएलमध्ये पदार्पण केले आणि मंगळवारी त्याने पहिली विकेट घेतली. (Source: Twitter)