अभिनेत्री शुभांगी सदावर्ते आणि संगीतकार आनंद ओक लग्नबंधनात अडकले

मुंबई : 'संगीत देवबाभळी' या संगीत नाटकातील आवलीची भूमिका साकारणारी अभिनेत्री शुभांगी सदावर्तेचं नुकतंच लॉकडाऊनमध्ये लग्न झालं आहे. संगीतकार आनंद ओक यांच्यासोबत ११ जुलै रोजी लग्न झालं आहे. लॉकडाऊनचे नियम शिथिल झाल्यानंतर म्हणजे अनलॉक २.० मध्ये या दोघांनी लग्न करण्याचा निर्णय घेतला. 

शुभांगी आणि आनंद ओक यांनी सोशल मीडियावर फोटो शेअर केले आहे. या दोघांनी अगदी छोटासा विवाह सोहळ्याचा कार्यक्रम केला. या सोहळ्यात दोघांनीही मास्क लागून विवाह सोहळा संपन्न केला. यावेळी कार्यक्रमात उपस्थित असलेली मोजकी मंडळी देखील मास्क घालून सोहळ्याला उपस्थित होते. 
 
कामासंदर्भात बोलायचं झालं तर प्राजक्त देशमुख दिग्दर्शित 'संगीत देवबाभळी' नाटकात आवलीची भूमिका साकारत आहे. या नाटकाला आतापर्यंत खूप पारितोषिक मिळाली आहेत. आनंद ओक यांनी देखील या नाटकाला संगीत दिलं आहे. या नाटकाच्या संगीताला देखील अनेक पारितोषिक मिळाली आहे.