व्हॉटस अॅपचं सेटिंग्ज करा, पैशांसह बॅटरीही वाचवा

मुंबई : तुमच्या मोबाईलवर व्हॉटस अॅपवर येणार फोटो आणि व्हिडीओ आपोआप डाऊनलोड होतात, यामुळे तुमचा इंटरनेट डेटा लवकरच खर्च होतो, तुमच्या खिशाला चाट बसते. शिवाय फोनची बॅटरीही लवकर संपते आणि फोन तापतो यामुळे फोनचं आणि बॅटरीचंही आयुष्य कमी होतं.

या तीनही कटकटींपासून मुक्ती हवी असेल तर व्हॉटस अॅपमध्ये खालील सेटिंग्ज करून घ्या, आणि कटकटीपासून मुक्ती मिळवा.

१) व्हॉटस अॅपवर क्लिक करा..

२) यानंतर व्हाटस अॅपवर सर्वात वरच्या बाजूला उजवीकडे तीन डॉट दिसतील. या डॉटवर क्लिक करा, ( टॅप करा).

३) यानंतर ५ पर्याय तुम्हाला दिसतील, सर्वात खाली पाचव्या नंबरवर सेटिंग्ज हा पर्याय दिसेल त्यावर क्लिक करा.

४) सेटिंग्जवर क्लिक करा, यानंतर सेटिंग्जचे ऑप्शन उघडतील, यातील नंबर ४ वर असलेल्या चॅट सेटिंग्जवर क्लिक करा.

५) चॅट सेटिंग्जमध्ये नंबर २ वर, मीडिया ऑटो डाऊनलोड नावाचं ऑप्शन असेल, यावर क्लिक करा.

६) मीडिया ऑटो डाऊनलोड ऑप्शन उघडल्यानंतर व्हेन युजिंग मोबाईल डेटावर क्लिक करा.

७) यानंतर तीन ऑप्शन दिसतील, ई-मेज, ऑडिओ, व्हिडीओज या तीनही समोरील क्लिक काढून घ्या, आणि OK वर क्लिक करा, यानंतर तुम्हाला व्हॉटस अॅपच्या माध्यमातून येणारे फोटो, व्हिडीओंचं ऑटो डाऊनलोड बंद होणार आहे. '

तुम्हाला आलेले व्हिडीओ किंवा फोटोवर क्लिक केल्यानंतरच पाहता येतील, यामुळे तुमच्या डेटा प्लान कमी वापरात येईल, तुमचे पैसे, वाचतील फोनची बॅटरीही वाचेल आणि फोन तापणार नाही. एवढं सर्व समाधान तुम्हाला एका मिनिटाच्या आत हे समजून घेतल्यानंतर मिळणार आहे.

तुम्हाला समजून घेण्यास अजूनही अडचण असेल, तर खालील व्हिडीओ पाहा, तुम्हाला नक्की लक्षात येईल.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.