युवराजसाठी सेहवागचा हृदयस्पर्शी मेसेज

कटक : कटक वन-डेमध्ये युवराज सिंग आणि महेंद्रसिंग धोनीची बॅट चांगलीच तळपली. धोनी-युवीच्या झंझावती इनिंगसमोर इंग्लिश बॉलर्सनी अक्षरक्ष: नांगी टाकली. या दोघांनी 256 रन्सची पार्टनरशिप करत पाहुण्या टीमला चांगला तडाखा दिला.

पहिल्या वन-डेत विराट कोहली आणि केदार जाधवनं पाहुण्या टीमला सळो की, पळो करून सोडलं होतं. तर कटकमध्ये युवराज सिंग आणि महेंद्रसिंग धोनीच्या तडाख्यात ईयॉन मॉर्गनची टीम अशी काही अडकली की शेवटपर्यंत धोनी-युवराज हे कोडं त्यांना उलगडता आलं नाही. ब-याच दिवसांनी क्रिकेटप्रेमींनी फिअरलेस युवराजला मनमुराद बॅटिंगचा आनंद लुटताना पाहिलं. त्यानं इंग्लिश बॉलर्सची यथेच्छ धुलाई केली. आणि त्याला साथ मिळाली ती त्याचा जुना फेव्हरिट बॅटिंग पार्टनर महेंद्रसिंग धोनीची.

युवराजच्या या तडाखेबंद खेळीनंतर सेहवागने युवराजबाबत ट्विटवर हृदयस्पर्शी मेसेज पोस्ट केला. या माणसाने कॅन्सरला हरवले. त्यानंतर त्याने इंग्लिश गोलंदाजांना हरवले. प्रयत्नांची कास सोडू नका हे याच्याकडून प्रत्येकाने शिकले पाहिजे. युवराज तुझा अभिमान वाटतो, असे सेहवागने आपल्या ट्वीटमध्ये म्हटलंय.

This man has defeated Cancer.
Today,he only defeated the English bowlers.Everyone can learn not to give up.
Proud of @YUVSTRONG12 #INDvENG pic.twitter.com/1wdBhpKEAa

— Virender Sehwag (@virendersehwag) January 19, 2017

Only old notes are out of circulation.
Great knocks from @YUVSTRONG12 and @msdhoni . pic.twitter.com/A87EmghpV8

— Virender Sehwag (@virendersehwag) January 19, 2017