मनसे पदाधिकाऱ्यांमध्ये संभ्रम, सभा कुठे?

मनसे अध्यक्ष राज ठाकरेंच्या सभेच्या ठिकाणाचा गोंधळ अजूनही सुरूच आहे. मुठा नदीच्या पात्रात राज ठाकरेंच्या सभेला जागा मिळाल्यानंतर आता एसपी कॉलेजचं मैदान उपलब्ध झाल्याची चर्चा आहे. त्यामुळे नेमकी सभा कुठे होणार याबाबत संभ्रम अजूनच वाढलाय. विशेष म्हणजे पुण्यातले पदाधिकारी मात्र या सर्व गोंधळाबाबत अनभिज्ञ आहेत.

Aparna Deshpande Aparna Deshpande | Updated: Feb 8, 2014, 10:31 AM IST

www.24taas.com, झी मीडिया, पुणे
मनसे अध्यक्ष राज ठाकरेंच्या सभेच्या ठिकाणाचा गोंधळ अजूनही सुरूच आहे. मुठा नदीच्या पात्रात राज ठाकरेंच्या सभेला जागा मिळाल्यानंतर आता एसपी कॉलेजचं मैदान उपलब्ध झाल्याची चर्चा आहे. त्यामुळे नेमकी सभा कुठे होणार याबाबत संभ्रम अजूनच वाढलाय. विशेष म्हणजे पुण्यातले पदाधिकारी मात्र या सर्व गोंधळाबाबत अनभिज्ञ आहेत.
राज ठाकरेंच्या पुण्यातील सभेला पाहिजे ते ठिकाण मिळालेलं नव्हतं, त्यामुळे सभा होणार की नाही याबाबत भ्रम होता. अशा परिस्थितीत ही सभा एस पी कॉलेजच्याच मैदानावर घेण्याचा आग्रह मनसेनं धरला होता. एस पी च्या व्यवस्थापनाने मात्र राजकीय सभेसाठी मैदान उपलब्ध करून देण्याला आधीच नकार दिला होता. त्यामुळे या जागेचा प्रश्न निकाली निघाला.
दरम्यान, ९ तारखेच्या सभेसाठी राज ठाकरे २ दिवस आधीपासूनच म्हणजे शुक्रवारीच पुण्याकडे रवाना झाले आहेत. त्यामुळे या विषयात ते काय भूमिका घेतात याकडे आता लक्ष लागले होते. राजकीय पक्षांनी सभा घ्यायच्या तरी कुठे असा संतप्त सवाल करत कार्यकर्ते मात्र एस पी वरच सभा घेण्यावर ठाम होते. मात्र पुण्यातील मैदानं का नकोत ? एसपी कॉलेजचाच आग्रह कशासाठी ? असे प्रश्न यानिमित्तानं उपस्थित कऱण्यात आले आहेत.

इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
झी २४ तासला ट्विटरवर फोलो करा.