हाय प्रोफाईल मुन्नाभाई, चक्क पवारांपासून पतंगरावपर्यंतचे मोबाईल नंबर

www.24taas.com, झी मीडिया, पुणे
लोकांना गंडा घालण्यासाठी लोक काय करतील हे सांगता येत नाही. पिंपरी चिंचवडमध्ये हिंजवडी पोलिसांनी पकडलेल्या एका मुन्नाभाई नं लोकांना कसं लुटलं हे ऐकलं तर तुम्ही थक्क व्हाल. कसा लुटायचा तो लोकांना पाहूयात एक विशेष रिपोर्ट…. !
अमित जगन्नाथ कांबळे उर्फ मुन्नाभाई एम बी बी एस. पुण्यातला या चोवीस वर्षीय बोगस डॉक्टरनं अनेकांना फसवलंय. यासाठी तो पुण्यातील विवीध रूग्णालयात फोन करून नवीन दाखल झालेल्या रूग्णाची माहिती घ्यायचा. त्यानंतर स्वतः किडनितज्ज्ञ असल्याचं रूग्णाच्या नातेवाईकांना सांगून त्यांच्याकडून पैसे उकळायचा.
त्यानं पुण्याच्या आदित्य बिर्ला रुग्णालयात असाच कॅल करून एका रूग्णाच्या नातेवाईकाला बोलावलं. तुमच्या रुग्णाला किडनीचा आजार आहे अस सांगत रक्त बाहेरून आणवं लागेल त्यासाठी तातडीनं पैसे जमा करण्यासाठी सांगितलं. यापूर्वीही त्यानं दोघांन अशाच पद्धतीनं गंडा घातला होता. रुग्णालयाच्या हे लक्षात आल्यावर त्यांनी या बाबत पोलिसांकड तक्रार केली.
अखेर पोलिसांना या भामट्याची शक्कल कळली आणि पोलिसांनी त्याला अटक केली. मुन्नाभाई एम. बी. बी. एस. पाहून ही कल्पना सुचल्याच या भामट्यानं पोलिसांना सांगितलंय. विशेष म्हणजे या मुन्ना भाई एम बी बी एस कड थेट शरद पवारांपासून, पतंगराव कादामांपर्यंत अनेकांचे मोबाईल नंबर आहेत. एवढंच नाही तर त्यानं या नेत्यांशी पक्षाचा पदाधिकारी म्हणून अनेकदा चर्चा ही केल्याचही कबुल केलंय.
पोलिसांनी या मुन्नाभाईला गजाआड केलं खर पण राजकारण्यांचे नंबर तोंड पाठ असलेला, त्यांच्याशी थेट गप्पा मारणारा, हा हाय प्रोफाईल भामटा डॉक्टर पाहून पोलीस ही चक्रावलेत.

• इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
• झी २४ तासला ट्विटरवर फोलो करा.