‘अभाविप’च्या मुंबईतील मुख्य कार्यालयावर हल्ला

मुंबई : अखिल भारतीय विद्यार्थी परिषदेच्या (अभाविप) मुंबईतील माटुंगा येथील मुख्य कार्यालयावर शनिवारी काही अज्ञात व्यक्तींनी हल्ला केला. यात एक जण जखमी झाला.

माटुंगा रेल्वे स्थानकासमोरच ‘अभाविप’चे हे कार्यालय आहे. या हल्ल्यात कार्यालयाची तोडफोड करण्यात आली असून ‘अभाविप’च्या काही कार्यकर्त्यांनाही मारहाण करण्यात आली. यामध्ये फ्रान्सिस डिसोझा या कार्यकर्त्याच्या डोक्याला मार लागला आहे. त्याच्यावर सध्या सायन रूग्णालयात उपचार सुरू आहेत. 

दरम्यान, ‘अभाविप’च्या पदाधिकाऱ्यांनी या हल्ल्यामागे नॅशनल स्टुडंटस् युनियन ऑफ इंडिया (एनएसयूआय) आणि काँग्रेसचा हात असल्याचा संशय व्यक्त केला आहे.