एक्सप्रेस हायवेवर विचित्र अपघात, १३ गाड्या धडकल्या, वाहतूक विस्कळीत

खंडाळा: पुणे-मुंबई एक्सप्रेस हायवेवर खंडाळा बोर घाटात खंडाळा बोगद्यात संध्याकाळी ६ वाजण्याच्या सुमारास एका विचित्र अपघात घडलाय. तब्बल १३ गाड्या एकमेकांना एका मागून एक धडकल्या. 

यात कोणत्याही प्रकारची जीवितहानी झाली नाही. मात्र या अपघातामुळं या मार्गावरून मुंबईकडे जाणारी वाहतूक प्रचंड प्रमाणात ठप्प झालीय. 

आज सुट्ट्यांचा शेवटचा विकेंड असल्यानं लोणावळा, खंडाळ्यात पर्यटकांनी मोठी गर्दी केली होती. त्यामुळे मुंबईकडे परतीच्या प्रवासात असणाऱ्या गाड्यांची संख्या वाढल्यानं अपघाताचा परिणाम एक्सप्रेस हायवे सोबतच मुंबई-पुणे नॅशनल हायवेवरही झाला. या दोन्ही मार्गावर मोठी वाहतूक कोंडी झालीय.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.