...म्हणून अक्षय कुमारनं सिद्धार्थला फटकारलं!

मुंबई : अभिनेता सिद्धार्थ जाधव एका कॉमेडी कार्यक्रमात केलेल्या आपल्या वक्तव्यामुळे चर्चेत आलाय. अभिनेत्री लिजा हेडन हिच्यावर 'वर्णभेदी' जोक्स मारल्याचा त्याच्यावर आरोप होतोय. 

'हाऊसफुल ३'चं प्रमोशन

सिद्धार्थ नुकताच 'कॉमेडी नाईटस् बचाओ' या कार्यक्रमात सहभागी झाला होता. यावेळी, 'हाऊसफुल ३' या सिनेमाच्या प्रमोशनसाठी अक्षय कुमार, जॅकलिन फर्नांडिस आणि रितेश देशमुख, लिजा हेडन या ऑनस्क्रीन जोड्याही दाखल झाल्या होत्या. 

सिद्धार्थनं केली 'वर्णभेदी' वक्तव्यं?

यावेळी, भारती सिंग आणि कृष्णा अभिषेक यांच्या नेहमीच्या स्टाईलनं कलाकारांवर कमेंट करून कॉमेडी करण्याचा प्रयत्न केला गेला. यावेळी, सिद्धार्थनं लिजा हेडन हिला 'कांगारू' असं संबोधलं. शिवाय तिला 'ब्लॅक आफ्रिकन'ही म्हटलं गेलं. 

अक्षयनं रोखलं... 

यामुळे, लिजा आणि जॅकलिन गप्प राहिल्या तरी अक्षय मात्र याला विरोध दर्शवला. सगळ्या प्रेक्षकांसमोर त्यानं कॉमेडी करणाऱ्या कलाकारांना 'वर्णभेदी' टीका करण्यापासून रोखलं.