अभिनेत्री मिस्टीच्या निधनाबाबत शिक्कामोर्तब

लॉस एंजेलिस: हॉलिवूड अभिनेत्री मिस्टी अपहम आता या जगात नाहीय. तिच्या निधनाच्या बातमीवर तिच्या कुटुंबियांनी शिक्कामोर्तब केलंय. ती ३२ वर्षांची होती. ‘ऑगस्ट: ओसेज काउंटी’ या फिल्ममध्ये तिनं अभिनय केलाय. ६ ऑक्टोबरपासून मिस्टी बेपत्ता होती. 

वेबसाइट ‘हॉलिवूड रिपोर्टर डॉट कॉम’नुसार, मिस्टीच्या मृत्यूची अफवा गुरूवारी दुपारी सिएटल खड्डमध्ये एक प्रेत मिळाल्यानंतर पसरली. तिचे वडील चार्ल्सनं प्रेताची ओळखही पटवली. अद्याप तिच्या मृत्यूचं कारण कळू शकलं नाहीय.

मिस्टीच्या निधनानंतर सोशल मीडियावर तिचे मित्र, चाहते आणि सहकाऱ्यांकडून शोक संदेश लिहले जात आहेत.  

‘ऑगस्ट: ओसेज काउंटी’मध्ये मिस्टीच्या सोबत काम केलेली अभिनेत्री मेरिल स्ट्रीप म्हणाली, ‘ही बातमी ऐकून खूप दु:ख होतंय, माझी पूर्ण सहानुभूती तिच्या कुटुंबियांसोबत आहे.’

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.