`क्वीन` बॉक्स ऑफिसची राणी, आतापर्यंत २१ कोटींची कमाई!

www.zee24taas.com, झी मीडिया, मुंबई
कंगना राणावतच्या `क्वीन` चित्रपटानं बॉक्स ऑफिसवर २१ कोटी रुपयांची कमाई केलीय. नुकताच बॉक्स ऑफिसवर प्रदर्शित झालेल्या `बेवकुफियाँ`लाही मागे टाकलंय. आयुष्मान खुरानाच्या बेवकुफियाँनं ४.७४ कोटी रुपयांची कमाई केलीय.

`क्वीन` चांगलीच कमाई करत आहे. अजूनही अनेक सिनेमागृहात क्वीन हाऊसफुल्ल आहे. गेल्याच शुक्रवारी प्रदर्शित झालेला `बेवकूफियाँ`ही काही क्वीनवर छाप पाडू शकला नाहीय`, असं मल्टिमीडियाचे राजेश थाडानी यांनी म्हटलंय.
विकास बहल निर्मित क्वीन सात मार्चला प्रदर्शित झाला. त्याचदिवशी माधुरी दीक्षित आणि जूही चावला यांच्या वादात येऊनही प्रदर्शित झालेला `गुलाब गँग`लाही क्वीनने मागे टाकले आहे. तसंच क्वीन प्रदर्शित झाल्यानंतर यश राज फिल्म कंपनीचा `बेवकूफियाँ` १४ मार्चला प्रदर्शित झाला. मात्र त्याने जास्त प्रभाव टाकला नाहीय.
`बेवकूफियाँ`ने पहिल्या आठवड्यात ४.७१ कोटी रुपयांची कमाई केल्याचे चित्रपट समीक्षक तरन आदर्श याने माइक्रोब्लॉगिंग साइट ट्विटवर ट्विट केलय.

• इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
•
झी २४ तासला ट्विटरवर फोलो
करा.